جاني خبر شتت لــي الفكـر تشتيـت
والـــهــم زاد الــقــلـب نـــارٍ ونــيـــره
قـالـو تـوفـى ذايــع الـذكــر والـصـيـت
ابــن الامــام الـعـدل صـقــر الـجـزيـره
هليت انـا دمعـي علـى الخــد هليـت
وغــيـري يـهــلون الـدمــوع الــغـزيره
يرحـمـك رب البـيـت يـاخـادم الـبـيـت
يا اللي حكمت بعـــدل فـي كـل ديـــره
عـلـيـك شـعـبــك يـكـثــرون التـنـاهيت
وكــل يــقــول الله يــا ربــي تـجـيــره
أبو متعب أسأل ربنــا لـــك بتثبيـــت
الادمي فالكــــون هذا مصيـــــــــــره
نعزي الامــة ويا سلمــان عزيـــــــت
ولكل الاســــرة والجمــــوع الغفيــره
سلمان يــا سلمــان نجــــمٍ تعليـــــت
نبــايعـــك علـــى كتـــاب وسيـــــــره
يا اللي على العلياء نشيــت وتربيت
يحفظـــك ربــــي قائــــدٍ للمسيـــــره
ويا الله يـــا اللي تعلـم الحي والميـت
تحفظ لنا مقرن زبـــــون المغيـــــره
وولي ولي العهد وان كان عديـــــت
عمى عيون اهل الوجيه الشريـــــره
يدعون الامه وادعي ان قمت صليـت
يحفــظ بلــــدنا الله عليــــم السريـــره

عبد المطلوب مبارك البدراني