منتديات البدارين

منتديات البدارين (http://www.albdarain.com/index.php)
-   الاصايل (http://www.albdarain.com/forumdisplay.php?f=48)
-   -   البل ذهب ويساق فيها قراطيـس >>> (http://www.albdarain.com/showthread.php?t=1254)

فزاع البدراني 13-01-2007 09:12 PM

البل ذهب ويساق فيها قراطيـس >>>
 
يالله من قلب ٍ عرفـت اختيـاره = وده مع البل مارقـات النسانيـس
الى تذكرت الرخـا والحضـاره = طرى على شوف البكار المعابيس
لاحد يقول ان مشترى البل خساره = البل ذهب ويساق فيها قراطيـس
كم شيخ قوم ٍ تجذب البدو نـاره = من دونها حامت عليه القرانيـس
والبل مع الناموس فيهـا تجـاره = وزود ٍ لقوة كاسبيـن النواميـس
الطيبيـن اهـل الوفـا والنمـاره = زادو لها الاثمان وارخو لها الكيس
لا باس في الراحه وزين العماره = لاشك راعيهـا بقلبـه هواجيـس
مهونة ٍ له لا شكى حيف جـاره = يصبح من الضيقه بقلبه حواسيس
والبل توسع لـه منـازل ديـاره = وتبعد همومه مبعدات المراويـس
لاشـد راعيهـا عليهـا قشـاره = تقطع به الفرجـه بليـا منافيـس
ياخذبها فـي كـل بـر ٍ سفـاره = يمشي بها في قافر ٍ مابعد ديـس
عقب الحيا التالي تجدد خضـاره = مافيه قبله كون جـرة عواسيـس
والناس كل ٍ عنـد ربـه وقـاره = ناس ٍ على خير ٍ وناس ٍ مفاليـس
واستغفر الله عد هاتـف امطـاره = واستغفر الله واستعيذه من ابليـس




*********************
****************
***********



ابن شنوت 13-01-2007 09:50 PM

بيض الله وجهك الله القصيده الجزله

والبل توسع لـه منـازل ديـارهوتبعد همومه مبعدات المراويـس
لاشـد راعيهـا عليهـا قشـارهتقطع به الفرجـه بليـا منافيـس
ياخذبها فـي كـل بـر ٍ سفـارهيمشي بها في قافر ٍ مابعد ديـس
عقب الحيا التالي تجـدد خضـارهمافيه قبله كون جرة عواسيـس

وماقصرت...

عادل البدراني 14-01-2007 03:42 AM

الاخ

فزاع البدراني

قصيدة في قمة الروعه .....صح لسان شاعرها

كم شيخ قوم ٍ تجذب البـدو نـاره=من دونها حامت عليه القرانيـس
والبل مع الناموس فيهـا تجـاره=وزود ٍ لقوة كاسبيـن النواميـس
الطيبيـن اهـل الوفـا والنمـاره=زادو لها الاثمان وارخو لها الكيس

بعيد المراميس 14-01-2007 09:57 AM

الأخ فزاع اشكرك جزيل الشكر وبيض الله وجهك على نقل هذه القصيدة الجزله ،دائما مبدع ولاتحرمنا من جديدك بما انك من ملاك الابل ،، والأبل مايحبها ويهتم بها الا الرجال الطيبين

تقبل تحياتي ودمت بخير

تركي الزايد 14-01-2007 11:48 AM

الاخ
فزاع البدارين
صح لسانك
قصيدة في غاية الروعة والجمال في عطايا الله


الساعة الآن 08:44 PM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM