وجه الورق
على وجه الورق نكتب بيوت الشعر بالامثال = نترجم صادق الاحساس والقاري تفقدها نصور واقع الدنيا عروسٍ تلبس الخلخال = نصور واقع الدنيا يتيمه مات والدها ومن فيض المشاعر كل مايكتب عساه يقال = على شان البشر تاخذ من المكتوب فايدها يقولون الرجال المعرفه للرجل كنزاو مال = مثايل من مثايل والمثايل كيف اعددها يقولون الليالي تتعب التاجر مع الجمال = وانا اقول الجمل لاضاق من حاجه تهبدها يقولون الرجال الجار قبل الدار والمنزال = ومن حل الحبال المشركه يقدر يعقدها طوينا صفحة الماضي حفظنا ماضي الاجيال = تعلمنا من الدنيا شربنا من مواردها تكلم يازمان اليوم مايوجد لديك اشكال = فتحنا صفحة الأمجاد والتاريخ قيدها ظروف الوقت تجبرني على المنزال والترحال = اطالع بالزمن وأشوف دوراته تجددها يهيم الهاجس اللي بالحشاء مايقطع الإرسال = وإنا مقدر على منع الرسايل في مواعدها تعالي ياهواء بالي تعالي نبعث الآمال = بيوت العز والأمجاد بالإلحان ننشدها تغني في بيوت العشق دام إن الهوى قتال = وخلي باقي الأرواح تهنا في مراقدها على ضوء القمر نسهر نطفي شمعة العذال = حياتي لك سفينه في يدينك وانت قايدها |
صح لسانك .. أخي الغالي / صنت قصيدة جميله ورااائعه بارك الله فيك دمت بخير |
الساعة الآن 09:04 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM