منتديات البدارين - محاورة أخرى للشاعر مساعد ضعيان البدراني مع صياف السحيمي

][ محاوره بين صياف و مساعد بن ضعيان البدراني ][

][ مساعد بن ضعيان البدراني ][

سلام ردية وفا دايم مواقفها تفوز =في ليلة الجمعة وراع الحفل جعله للغناه
لاقمت يا صياف جاز اللعب والمعنى يجوز=وانكان معك الغاه انا خصمك معي سبع اللغاة

][ صياف][

يا مرحبا باللي يعز اللعب واللعب امعزوز=واللي سرى بالليل خل الذيب يعوي من وراه
الليل ماشي والذهب مكنوز في ذيك الكنوز=والآدمي ما يعترض للكتب وهوه ما قراه

][ مساعد بن ضعيان البدراني ][

اللي يبا يارد على هداج ورشاه امحزوز =يبى يصدر من شفا هداج ما يروي ضماه
اثر البنوك الصيرفية ما تساوى يا هموز=متخالفات اسعارها والكل يعرف مستواه

][ صياف][

حنا على شانك عمرنا الخط واتعبنا البنوز=كما واحد يمشي الليال السود والدرب ايحداه
بغيت احوز الناس عن دربي وعيت لا تحوز=وابو سعد مدري عطاه الله وإلا ما عطاه

][ مساعد بن ضعيان البدراني ][

حنا عسانا ما نعوزك وانت جعلك ما تعوز=لا كن لا تتعب ترى مالك مع الرعيان شاة
يا كم واحد يحتزم في بندقية ما تنوز =لا هبت الحاية عليها ما تعرف الاتجاه

][ صياف][

الأنجيلز من الجهل والخوف تحكمهم عجوز=وأنته وأنا ما نعبد إلا الله ونمشي في رضاه
لا شفت راعيها يحب النقز والبندق نقوز=ما ني مصلح حجة الرامي ليا جوه الرماة

][ مساعد بن ضعيان البدراني ][

أنته بعد فرقت ما بين الخوالد والعنوز=ما ني مجمع بينهم والكل قومانه وراه

][ صياف][

كثر لنا الاقلام والكتاب يعرف للرموز =والعاقل اللي ينتبه لأرضه وينظر في سمـاه

][ مساعد بن ضعيان البدراني ][

هذي ثلاث وعشر يا صياف في سيفك تهوز=ومن يعترض لك في طريق القافلة تلعن ثواه