|
محاورة شعرية / سالم العرم /عبدالمطلوب البدراني
انقل لكم محاورة شعرية جرت بيني وبين الشاعر سالم العرم لعلها ترقى الى ذائقتكم سالم العرم ياسلام الله على ربعـآ لهـا بالمجـد هامـه ......جيتها من طيب نفس وجيتها من غير داعـي وياعسى اللي جمع اهل الطيب ما تفنى عظامه ....الشجيع بن الشجيع بن الشجيع بن الشجاعي عبدالمطلوب البدراني مرحبا بك ياعريب الجـد ياعالـي مقامــــــه ......بجيتك والله فرحنا الطيب يشرى ما يباعـي ومن يبي درب العلا والمجد يرقى في سنامه ......ياالله انك وفق اللي ذكرهم بالطيب ذاعـي سالم العرم ماعليكـم زود والنشمـي ينومسنـا كلامـه .......والسباع الكاسره ما تضيق من وجه السباعي البعير اللي يشيل الحمـل وشـداد ومسامـه ..........بعد روح لا تصير الراعيه مـن دون راعـي عبدالمطلوب البدراني من يجي بالطيبة يفرض على الناس احترامه .............والمواقـف علمتنـا بالهجـوم وبالدفاعـي بعد راح الله يعوضنـا بعيـر فـي خطامـــــــــــه .............والرعيه دونهـا قـوم كريميـن الطباعـي سالم العرم ياولد عمي ترى مال الزعيم إلا الزعامه .........لو كثير من العرب عينه عليها مستطاعي واحد الباقي وغيره نسئـل الله السلامــــه ........اتخاسر شيلهم لو هو على النقل الجماعي عبدالمطلوب البدراني وين راح ابن الزعيم اللي سلاحه في حزامه ..........ودي اشوفه يقود المعركه دون انقطاعـي وبعضهم لو يختبر مايستحق ربع العلامـــــه ..........مير شلته بالنقل والا على الدفع الرباعـي سالم العرم ابشر انه دون ميقافه علـى عـز وكرامــه ........ما يدور من وراء الميقاف شهره وانتفاعـي ياطويل العمر هذي مـن علامـات القيامــــه .......ما تشوف الناس تحكي عن سنوات الضياعي عبدالمطلوب البدراني من يقف في لازمة يلقى على صدره وسامه ........والله ان سهيل واضح وان بدأ منه الشعاعي يا أبن اعمي اعرف انك من رياجيل الفهامه ........البشر ضاعت وفيها ما نفع كل المساعـي سالم العرم ما يجامـل للغشيـم إلا شبيهـه بالغشامـــه ......وانت تعرف من وراء الضلعان بعيونه يراعي قلهم لا يزاحمون الناس في سـوق اليمامـه .......يجلسون مكرمين وفوقهم بشت(ن) سواعـي عبدالمطلوب البدراني ما يجامل بهالامور الاضعيف بلا كرامـه .......والرجال اهل المعرفه ما تقارن بالرعاعي بعضهم يا لو يزاحم يختفي مثل النعامـه ........يوم تخفي رأسها بالرمل والصياد واعي ولكم اجمل تحيةة منقووووووول |
الاخ ابوناصر
صح لسانك ولسان الشاعر سالم العرم لك الود |
ابو ناصر صح لسانك ولسان العرم اتمنى أن نرى الكثير من هذه المحاورات الشيقه وسوف اكون احد المشاركين في اقرب وقت ممكن 000 وفالكم التوفيق
|
الاخ عبد المطلوب صح لسانك ولسان الشاعر سالم العرم
وشكراً لك على ماتحفتنا به تحياااااتي |
يعطيك العافية يابو ناصر وألف شكر لك |
| الساعة الآن 09:09 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
خريطة الموقع
mamnoa 4.0 by DAHOM
