هوى مـــا يـــداوي كـلـنـا خابـريـنـه = والله انـي فـلا اعلـم للمـودة مــداوي

قال من قل صبـره يـوم طالـت سنينـه = كل ما جا يعذل القلب مـا هـوب قـاوي

يـوم لــد وتبـسـم ثــم سلـهـم بعيـنـه = كن رمح الهلالـي بيـن الاضـلاع هـاوي


سعود بن محمد

ألا ياعيونـي مـا يفـيـد النـظـر والـشـوف = تكـافـي وكـفــي لاتـراعـيـن ياعـيـونـي
تكافـي كفـاك مكايـد الجـادل الغطـروف = ابو وجنـة فيهـا اشهـر المـوت مقرونـي
انا اشوف شوفك واتمنى وانا مشغـوف = من اللي سلب عقلي على غير قانوني
لحظني بعين كـن فيهـا نمـش وسيـوف = وقـع مابكفـي واختلـط وانصفـق لونـي
اخذني جهار اكبر ضحى والعبـاد وقـوف = انادي بصوتـي والعـرب تقـل ماوحونـي



سليمان بن شريم

يـا صاحبـي يومـك علـيـه تـــــــــزعـل = وش جاك مني يا بعـد كـل غالـي
حبـك بقلبـي راسـي مــا تـزلــــــــــزل = الا ان تـزلـزل راسـيــات الـجـبـال
مـودة فـي القلـب مـا عـاد تنحـــــــــل = الا ان تحـل مــن النـهـار الليـالـي
تلـيـت قلـبـي يــا الـغـضـي تل وتـــل = تــل الـدلـي بمحكـمـات الـحـبـال
يــا قـايـد الـغـزلان ليـتـك تجـــــــــمـل = قبل المرض تبدي رسومه بحالي
مر اجي بالشـــــمس ومـرار بالظــــــــل = ومرار اجر الصوت في كل عالـي



عبدالعزيز آل الشيخ

نــاح الحـمـام بعالـيـات المقـاصـيـر = واهل الهوى طربين مـا يسمعونـه
ذكرتنـي يـا الـورق لا ذكــر ك خـيـر = غـرو كـمـا لــدن المـطـارق قـرونـه
انـــا وخـلــي فـرقـتـنـا الـمـقـاديـر = يا مـن خبـط بيديـه واعمـى عيونـه
يـا شاعقيـن النـار جـاكـم مسايـيـر = ضـو سناهـا يـجـذب الـلـي يجـونـه
يظهر عشيري كا لخلاصة من الكير = اعـيـذه بــرب الـنــاس لا ينحـتـونـه
تصبح عروق القلب عندي معاشيـر = ويزهر ثمـر قلبـي وتطـرخ غصونـه


عبيد الرّشيد

بقول احبك ون عقدتي الحجاجا = اقولها ثنتـــين واربـــع مــــع الخمس
يسعد صباحك .. ليلــــنا تو ماجا=الشمس غابت واشرقت عندكم ... شمس
هى شمسنا اللي في جبينك تلاجا=والا قـــــــمرنا اللي فقدناه قبل امس
ليل السما برد وسحاب وعجــــاجا=يامن يشب النور في الخاطر العمس
انتى وانا لوكـــــلبونا نتنــــاجــا=لاماطفت في خاطري شمعه الهمس