منتديات البدارين - ملحمة الأمير محمد السديرى 000

من نوادر الشعر

** الملحمه الزايديه **

للأمير الفارس / محمد بن أحمد السديرى

1عفـا الله عـن قلـب يزيـد عنـاه = وداعـي غرامـه للغـرام دعــاه
2 ما طاع عـذّال يعذلـه مـن المـلا = وان سمـع عذالـه يزيـد عـنـاه
3 الى توسـع خاطـره ربـع ساعـه = على الضيق داكوك الهمـوم نحـاه
4 قلب بـراه مجـادل الظيـم والعنـا = الظيـم مـن بيـن الضلـوع بـراه
5 دع القلب يـا عـذال خلـه بغايتـه = هـواك مـا يتبـع طريـق هـواه
6 دع القلب يا عـذال عذلـك يضـره = يزيـد يـا عـاذل عليـه شـقـاه
7 كونّـه الايــام لـيـن اوجعـنـه = وعـزي لمـن حـر الزمـن كـواه
8 يكويه من هجر النيا حامـي الطنـا = يضيق به مـن مـا دهـاه حشـاه
9 يحـن حنـات الخلـوج لجنينـهـا = والخلـج مفهـوم تـحـن ظـنـاه
10 ما حزنها حزنه ولا ربـع مـا بـه = وحياة مـن نشّـا السحـاب بمـاه
11 على جادل ما شافت العيـن مثلهـا = أحيـا بذكـرى مـن هويـت لقـاه
12 عشير شرابي من مناظيـم مبسمـه = يجلا عـن القلـب الدريـك ظمـاه
13 أداريه عن شـئ يحسـه ويغضبـه = وإلى زعـل يصعـب علـيّ رضـاه
14 إن دك بي من حامي البين هاجـس = وجرعت مـن حـر الغـرام طنـاه
15 تذكرت مـن طلاّبـة الجـود نـادر = رفيع الذرا عسـر الـدروب مشـاه
16 مشى بدرب المجد والنفـس تدفعـه = إلى شامخ عسـر الـدروب سمـاه
17 خالد سنـام الطايـلات بـن فيصـل = حجا مـن لجابـه والزمـان وطـاه
18 ابشكي على فرز الوغى جاير الهـوا = شطون الشفـاوي والشفـاوي تـاه
19 قد تـاه ببحـور الغـرام المظلمـه = دليل الخطا عـن مـن يريـد نحـاه
20 نحاه عن حـي يـوده مـن المـلا = وما فـات مـن يـوم يزيـد غـلاه
21 غـلاه فـي قلبـي تجـدد علايمـه = وتكتب على القلـب الدريـك سمـاه
22 اسماه وان عرضت مع الناس صفقّت = محانـي فـؤادي والحبيـب رمـاه
23 رمـاه بسهـو المحاجـر وجندلـه = قليل الفـزع ظلـم الحبيـب دهـاه
24 دهـاه بالفرقـا وقلبـي لـه انتحـا = تلـه ومـن بيـن الضلـوع لـواه
25 لواه يوم أنه علـى الحـب يلتـوي = ومـن دينـه ديـن الجميـل أوفـاه
26 أوفيه بالروح العزيـزه ولـو غلـت = روح تبـي روح تـحـب جــزاه
27 أجزاه لـو أنـه رمانـي وجادلـي = يمحا خطا الغالـي عظيـم ارضـاه
28 ارضاه يبهج خاطري عقب ضيقتـه = ويرتـاح قلـب بالـفـؤاد فــراه
29 فراه في وسـط المحانـي وعذّبـه = وإن عذّبـه سـهـل علـيـه دواه
30 ادواه عنده هـو سبايـب مصايبـه = واشفاه مـن كوثـر نظيـم شفـاه
31 أرجيه لو دونه من النـاس حاسـد = رجـاي بالله مـا قطعـت رجــاه
32 أرجيه لـو دونـه جمـوع تصدنـي = وحبل الرجا يضفـي علـى ارشـاه
33 وقد قيل للعراف في ماضـي مضـى=هـذا لهـذا مــن هــذاك رواه
34 يمنـا بـلا يسـرا قليـل حصيلهـا = ورجـل بـلا ربـع يخـاف اعـداه
35 مهبلك يا باغي مـن ال*** فزعـه = رجواك مـن عنـد الجبـان سفـاه
36 رفيق الرخـا ينسـا مـودة رفيقـه = ليا ضاق به شيـن الزمـان نسـاه
37 عوين الدهر ما يامن الجـار جانبـه = وليـا عرضـت للشامتيـن شـنـاه
38 على داره السـودا تبنـي خيامهـا=عوين الدهر شين السـواد غشـاه
39 خذ يا لبيـب القلـب منـي وصيـه = حميدان في ماضـي الزمـان لقـاه
40 اختـر مـن الخـلان حـيّ تــوده = تسبـق علـى فعـل الجميـل يـداه
41 دليل على العليا بعيـد مـن الخطـا = الطيـب فـي دنيـا الحيـاة إمنـاه
42 ما جال في قلبه من الخـوف جايـل = وإن كـاد مرقـا الطايـلات رقــاه
43 ولا ضعّف النفس العزيـزه لجارتـه = ولا هرولـت للمحصنـات خـطـاه
44 يفرح به العاني ليـا حـده القصـى = وللضيـف معسـول الكـلام نـيـاه
45 وإن جاك من يمـة معاديـك ريبـه = من قبـل مـا تاطـا عليـه وطـاه
46 صديقك صديق لـه وضـدك يضـده = وعلى روس عدوانـك تديـر رحـاه
47 هـذاك حطـه لـك رفيـق موالـي = عونـك ليـا زاد الـزمـان بــلاه
48 مـا يفصـل القـالات الا رجالـهـا = ولا كـل مـن شيـد بنـاه حـمـاه
49 ولا كل من ركب الجواد عـدا بهـا = على حامـي الهيجـا وحـر لظـاه
50 ولا كل من نوى لـدار رحـل لهـا = يمـوت مـا لحـق هـواه مـنـاه
51 ولا كل مـن رام المراجـل ينولهـا = يـا عسـر مقضبهـا علـى يمنـاه
52 ولا كل من ركب المطايا غـزا بهـا = ولا كـل مـن رام الغريـم قــواه
53 ولا كل من يبرم عهـود وفـا بهـا = يطغـى علـى فعـل الجميـل رداه
54 ولا كـل مـن ودع لسـر يصونـه = وكم واحـد سـر الصديـق أبـداه
55 ولا كل من حصل حـلال صخـا بـه = يبيـن بالوقـت الشديـد صـخـاه
56 ولا كل من جالس هل العلـم عالـم = وكـم عالـم ضـر العبـاد خطـاه
57 ولا كـل مـن نالـه جميـل يـرده = ولا كل من شـاف الحريـب نصـاه
58 ولا كل من سل السنـان صطـا بـه = يمـوت وسنانـه جضيـع إخـبـاه
59 يا ناشـد عنـي وأنـا لـي قبيلـه = لهـا المجـد زايـد بالرفـاع بنـاه
60 وكمّل مقام المجـد عامـر وشيّـده = طريـق المعالـي للدخيـل مـشـاه
61 كون جرى يذكر على وضـح النقـا = الأشراف جضت مـن عظيـم بـلاه
62 مزن تزبر فـوق سلـى صواعقـه = تشظّف من خشوم الجبـال حصـاه
63 نشا من ثنايا بـرك ترعـد مخايلـه = من الشرق عيـظ بالصـدور حـداه
64 وغرب مخيف يطحن الغيظ والغضب = وما طال من روس الخشـوم طمـاه
65 أمطر على الأشراف وانهـل وابلـه = عليهـم تنثـر بالغـزيـر طـهـاه
66 قوز الشريف اكبـر علايـم دلايلـه = سيلـه تدفـق هـد كــل نـيـاه
67 سيله عجاج الخيل والبيـض والقنـا = وروس النشامـا بالحـزوم اغثـاه
68 تشهـد علـى مـا قلتـه العامريـه = جضت سبيـع مـن عويـل ابكـاه
69 تبكي على فتخـان الايمـان غلمـه = تعشوهم اللـي بالحـروب أعصـاه
70 والضبعـه العرجـا تعشـا بدربهـم = وكـم ضيفـوا ذيـب يجـر عـواه
71 والطير يلفى البر من ضرب شلفهـم = مضاريبهـن يعيـي الطبـيـب دواه
72 وش حل بالاشراف غالـب وراجـح = اقفـو كمـا صيـد حدتـه إضـراه
73 اقفوا على قب تخافـق مـع الوطـا = تنـازا بطوعـات الرقـاب حــذاه
74 من ولب عطبين السهو إلـى زايـد = لهم صانع السيـف الصقيـل حنـاه
75 حناه وارهف شذرتـه يـوم كملـه = وعطاه لمن هـم بالحـروب عـداه
76 حيث أنهم يروون حـده مـن العـدا = بايمانهـم روس الفهـود عـشـاه
77 إلى عـدا فيهـم حريـب وزارهـم = يعدلـون بحـدود السيـوف صغـاه
78 وجريس ما طاله من الظليـم طايـل = اسود الشـرا عمـن يبيـه حجـاه
79 اسود الشرا بالضيق تنجي دخيلهـم = ويـروون مـن دم الرقـاب ضبـاه
80 فكوه ثم اغنـوه يـوم انـه التجـا = وجـه بـن بـدران يزيـد ضـيـاه
81 تجمل مع جريـس اليمانـي وعـزه = الزايـدي يـوم الدخـيـل عــداه
82 يشهد لعامر ما مضى مـن فعايلـه = يـوم أن غالـب بالجمـوع نصـاه
83 يبي دخيل البيت مـا خـاف خالقـه = دخيـل عطبيـن السهـوم إرمــاه
84 واقفا ذليـل يتبـع السيـر بالسـرا = وحـرب عنالـه بالفـؤاد شـكـاه
85 اقفا مثل ما جا وهو يشكـي العمـا = اقفـا مـن الذلـة يـجـر قـفـاه
86 عيب على مثلـه ليـا هـد ينثنـي = تبـدل مـن عقـب الهديـر إرغـاه
87 وابـن صبـاح اذروه وبـن خليفـه = رمـح آل زايـد ظلـهـم بإفـيـاه
88 اخذ ثارهم من ضدهم يـوم كادهـم = رمـح مـن العـز القديـم عصـاه
89 يشهد بـه الهـدار واللـي جرابـه = دخيلهـم ثـاره عـطـوه قـضـاه
90 فكـو حقـوق للدخيـل بـن وايـل = جميليـة نالـو حـقـوق وجــاه
91 من ضرب من لا صدو عن حريبهـم = يصكـون بجبـاه الخصيـم جـبـاه
92 دخيلهم بأعلى السمـا كـن منزلـه = لـه بيـن نجـم الفرقديـن مـتـاه
93 كنـه بجنـات تظـلـه غصونـهـا = والنايـف الطايـل يـحـل ربــاه
94 تعلو لعرش المجد من قوم عزمهـم = مصابيـح ظلمـات تزيـح دجــاه
95 مراجيـم عـدوان مرابيـع ملتجـي = ليا جف مـن وبـل المـزون ثـراه
96 إلى قطبت عسـر السنيـن وجدّبـت = ولا عـاد يذكـر بالريـاض كـمـاه
97 يهوشون بوجيه تكاشف مـن النقـا = والضيق مـا يقصـر عليـه إقـراه
98 يا ناشـد عنـي وانـا لـي قبيلـه = قصـر النـدا زادوا عليـه بـنـاه
99 اشادو فعـول بالفضايـل وسلمهـم = للجـار كــل باللـسـان حـكـاه
100 بني زايد أدو جارهـم مـن جـداره = ولحـد مـن اسبـاب الآلــه وداه
101 لهم وادي سهـل الـدروب ودونـه = نـار ينـزح عـن احمـاه سـنـاه
102 سنـاه مصقـول الحديـد الصافـي = وعـزم القلـوب الصاطيـات لظـاه
103 عذروبهم للضيف ترخص نفوسهـم = والجـار مضمـون السـلام إغطـاه
104 وجه الندا يندا كمـا ماطـر الحيـا = يبيـن عنـد الموجـبـات نــداه
105 تعيّي على الشيمات حفاظـة الشيـم = وجـه النـدا لازم يـبـش حـيـاه
106 قصيرهم يـارد علـى العـد قبلهـم = ولا شكـا يـوم الــورود ظـمـاه
107 إن زادت سنينـه تجـدد معـزتـه = وكـل خطـا جـاره عليـه رفــاه
108 وإن ذبح منهم خيـر عنـد وجهـه = وكسـب الفضيلـه بالحيـاه إمنـاه
109 على الطيب شبان وشيـب تزاحمـو = والطيـب يتعـب للرجـال مــداه
110 دواسر كنيو علـى دوسـر الفحـل =واسـم علـى فعـل يبيـن إقــداه
111 من الهضب إلى الافلاج مكدين ضدهم = وحريبهـم مـر المـذاق عـشـاه
112 واد العقيـق مطهـريـن جنـابـه = ولا ديـس بيـن العالميـن إحمـاه
113 من عصر بن بدران هاذي ديارهـم = والـدار محـد للخصـيـم عـطـاه
114 من الفرعه العليا إلى الخرج حدهـم = به الجار مـا كـدر عليـه صفـاه
115 راسين مثل جبال هضـب آل زايـد = وهـم ليـا شـان الزمـان حمـاه
116 حموه يـوم أن القنـا يقـرع القنـا = ولمثلـهـم رب العـبـاد بـنــاه
117 الدار ما تصلـح لمـن لا يصونهـا = الــدار عــوره والـرجـال إرداه
118 دار خذوهـا بالمراهيـف عـنـوه = وهم نورها الساطـع ينيـر إضيـاه
119 بني عقيـل اخلـو مغانـي ديارهـم = بعد دمهـم بـأرض العقيـق سقـاه
120 من غلمة ما باعو العـز والشـرف = يوم الـردي فعـل الجميـل نسـاه
121 تشهد مشاريـف اليمامـه بفعلهـم = فـعـل تـعـد العالمـيـن ثـنـاه
122 فعل على فعـل تحاكـا بـه العـرب =مجـد يكـذب مـن يـعـد ثـنـاه
123 هرج بفعل يشبـه المـاس بالذهـب = وهـرج بـلا فعـل يقـال سـفـاه
124 نعـد قـول مـا تكـذب مثايـلـه = روايه أصـدق مـن طيـور قطـاه
125 نعـد مجـد الطيبـيـن وفعلـهـم = وأذكـار فعـل الطيبـيـن طــراه
126 مـن رام فعـل الغانميـن وشانهـم = السيف يـروي مـن عـداه شبـاه
127 من رام فعـل الغانميـن وسلمهـم = الجار عـن الخصـم العظيـم وقـاه
128 مـن رام فعـل الطيبيـن وقدرهـم = يبـذل ليـا ضـاق الزمـان فضـاه
129 إن كف همال الحيا وامحـل الوطـا = وشحشح عن الطفل الرضيـع غـذاه
130 يكرم ليا ضاقت على الناس وامحلـو = ويصبـر ليـا مـن الزمـان وطـاه
131 ال*** ما يقدر علـى طيّـب الثنـا = والليل مـا يشبـه صـدوق ضحـاه
132 يجود الفتى بالجود من زايـد الحيـا = يخـاف مـن بالعايـبـات قـفـاه
133 قولـو لطـلاّب الثنـا يتبـع النقـا =ولا يلحق العـرض النزيـه شنـاه
134 ومن سار بدروب الردى زاره الخنـا = ويلبس من اسـلاب السـواد كسـاه
135 ابعد عن الانـذال واتـرك ديارهـم = يفكك مـن الوجـه الخبيـث نيـاه
136 الاجواد ايات النـدى فـي وجيههـا = والانذال شـري مـا يـذاق جنـاه
137 الاجواد ما تنوي بك البوق والـردى = والانـذال غيـب مـا يعـد غـيـاه
138 الاجواد فعل الخيـر لـذة نفوسهـم = والانـذال ملـزوم يشـاف خـنـاه
139 الاجـواد جنـات تعاقـب نهورهـا = والانذال صلدا مـن صخـور صفـاه
140 الاجواد تاصف لـك طريـق يدلـك = والأنذال لعسـرات الـدروب إقـداه
141 الاجواد مثل الورد عطـر روايحـه = والأنـذال زقـوم يطـيـر سـفـاه
142 الاجواد فيهـم بـاب يسـر ومعـزه = والانذال عسـر مـا عليـه شقـاه
143 الاجـواد زلـة جارهـم يدمحونهـا = والانـذال تجـزا الاقربيـن جـنـاه
144 الاجواد مثـل النهـر حلـو شرابـه = والانـذال صبخـاة مــلاح مــاه
145 الاجواد تبذل فضلهـا دون عرضهـا = والانذال دنسيـن العـروض عـراه
146 الاجواد مثل الريـف سعـد سعـوده = والانـذال قحـط الزمهريـر شتـاه
147 الاجواد تامن شرهم وانـت عندهـم = والانـذال شـر مـا يطيـب بـلاه
148 الاجواد مثل الصبح تمشـي بنـوره = والانـذال ليـل مظـلـم ممـسـاه
149 الاجـواد حبـاة النـدى يبذرونهـا = والانـذال تبـذر بالرخيـص ريـاه
150 الاجواد فعول الخير مـا يجحدونهـا = والانذال حـزم مـا يطيـب حفـاه
151 الاجواد مـا تلحـق عزيـز مذمـه = والانـذال تنطـق بالصـديـق زراه
152 الاجواد عز الجار والضيف سلمهـم = والانـذال بعيـون العزيـز قــذاه
153 من طاوع النفس الذليله على الردى = يرخـص ويظهـر للرجـال خـفـاه
154 من طاوع النفس الذليله على الردى = ينسى الجار والضيف العزيز جفـاه
155 من طاوع النفس الذليله على الردى = يرخـص ويظـهـر للـرجـال رداه
156 من طاوع النفس الذليله على الردى = تقصر عـن العـز الرفيـع خطـاه
157 يموت طلاب التمانـي علـى الشقـا = ســراب دوّ والـظـلال غـطـاه
158 يمـوت طـلاب التمانـي ومكسبـه = كمـا صايـح صوتـه يـرد صـداه
159 يمـوت طـلاب التمانـي ومثـلـه = من يرجـي الحنظـل يزيـن نمـاه
160 يمـوت طـلاب التمانـي بحسرتـه = وكثـر التمانـي مـا تعيـد صبـاه
161 أبـا التمانـي ولا تمنّـى وخلـهـا = تـرى التمانـي والحلـوم اشـبـاه
162 يقولها لك من هـوا القلـب عذبـه = وداعـي غرامـه للغـرام دعــاه

دمتم سالمين

أخوكم
فزاع البدراني
0
0
0