يالله يالـلـي بـيـدك الـعـز والـجـاه= يالـلـي لـخـلات المخالـيـق رافــي
يـا مـن خلـل عبـدك ليابـان ترفـاه =ياعـالـم ٍ غـايـة خـفـا كــل خـافـي
ألطـف بحـال اللـي تبهـذل بدنـيـاه= وداج بجميع أنحا النحايـا وطافـي
يطرد ورى حظٍ عليـك أنـت مشكـاه= لا شك شاف من الزمان إختلافـي
من كثر ماله ساروا الناس برضاه =ولو كان ناقص قالوا الناس وافـي
ومن قل ما بيده ترى الناس تشناه= لو كان يسقيهم عسـل قنـد صافـي
فالمـال كـم سـاس ٍ طمـان ٍ وعـلاه= والفقـر كـم حطـم روابـع سنـافـي
لا شك مـا للعبـد عـن حكـم مـولاه= مـن خيـر ولا شـر والـرب كـافـي
مـا كـتـب للمخـلـوق لا بــد يلـقـاه= أمــا هـزايــم شـــر والا عـوافــي

المشاركة الأصلية كتبت بواسطة *فيصل علي* (المشاركة 37399) ما كتب للمخلـوق لا بـد يلقـاه أمـا هزايـم شـر والا عوافـي صح لسان الشاعر حمد بن هادي قصيده رائعه عزيزي مشاري لاهنت على الاختيار الموفق لكــــ وديـــــ وتقديريـــــ