مشاركه بالشعر من هاجس ن طرب= في منتدى ربعي وهذا مقامه
واللي لها جنحان مع اول السرب=ومن جودة الانتاج فيها علامه
اماتصيب من الهدف موقع الضرب= والاتعود ولاعليها ملامه
موضوعها عن كل موضوع له درب=كله وفاء للي شملنا اهتمامه
وفرح الوطن لاجله من الشرق للغرب= ومن الشمال الى سواحل تهامه
حتى حدود الديره اللي ورى الدرب = من بعد عودة سيدي بالسلامه
طهور ومشافى من الباس والكرب= وعليه ثوب العافيه والكرامه
بعد ثلاث شهور في ديرة الغرب= لاجل العلاج ولاسلى عن هيامه
في حب شعبه والمشاعر من القرب=نفس الشعور اللي بقصر اليمامه
يقول انا في خير بلسانه الذرب= كانه بخير الشعب هذا كلامه
شعبك بخير ومن يمين العطاء شرب= ولافيه شئ غير فرقاك ضامه
وخيرك وصل للهندوالسند والصرب= وتناصر الاسلام شرقه وشامه
وتسعى لجمع الشمل والصلح للعرب= وتوحيد صف ن صارفيه انقسامه
ولك الولاء باسم البدارين من حرب=وباسم الشيوخ اللي عليها الزعامه
ونجدد البيعه على السلم والحرب= وعلى العهد معكم ليوم القيامه