ياذيب لاتقنب على نايف الجال
اعضاءوزوار منتدى البدارين السلام عليكم ورحمة الله وبركاته اهدي لكم هذه القصيده المتواضعه امل ان ترتقي لذايقتكم ياذيـــب لا تقنب على نايـف الجال=== مــاحد مجيبك لوتواصل ليا الحـول يرجع صدى صوتك لراسك وتهتال=== تنكف معيف وشارد الذهن مذهول دارن خــــلاء مـافيه نــازل ورحال=== مخلن جـنابه ماش قطـعان وانزول هذاك يــوم ان الـرمك فيه يجـتال=== تلقى العشى بدروب حماية الشول وقتن مضى مـابين رجلي وخـيال=== يوم الزحول تطش لك قدمها زحول يوم الــرجال تقـدم بطيب الافعال===قدم العيون العور تضحك على الحول اليوم لو مــرك قطيـعن من المـال=== تــذل لـو مـانته عـلى الـذل مـجبول حـدك زمـانك للمشـاكل والاهـوال ===متــهم وبيـن النـاس مـانته بمقبول اصبحـت لعبـه في تماثيل الاطفال===دبدوب يضـحك بك ليا شـاف بهلول دارت بـــك الايــام باقـفـاي واقـبال===حـتى انجـبرت تخاشر ثعال ووعول مثل الشجــيع اللي تعـدوه الانذال ===مـاعـاد يقـدر يعتـرض مـنهم الـزول لو قــال ماحــدن يستمع له لياقال===لـوهـو لبيب وكــل مـاقــال مـعـقول لياعـــترض له ناقل القيـل والــقال===يسـكت ويعـط الهــرج لمـروج القول خــطو الهبـود اللي تمـثل بــــرجال===لاطـب له في مجلس يصول ويجول في هــرجته يفعل مفاعيل الابطال===كنه يحوش الطيب بالعرض والطول كاشخ فبشت وثوب وشماغ وعقال===وليابخصــته بشت من فوق مخيول علي زيد البدراني |
الله الله
صح لسانك يابو طلال |
اقتباس:
صح لسانك ياأبو طلال وأعتلا شانك قصيد اكثر من رائعة لك فائق الشكر والتقدير |
اخي الغالي تركي الزايد صح بدنك شرفتني بمرورك |
استاذي الفاضل عبد المطلوب مبارك صح بدنك وشكرا لك |
الساعة الآن 12:59 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM