مواقف ترفع الضغط ومضحكة في نفس الوقت !!!
هذه بعض المواقف اللي ترفع الضغط ولكنها طريفة في بعض الاحيان ... ومنها ما يلي :
· أنك تشرب ببسي حار · أنك تصلي وأنت لابس شراب مشقوق · أنك تعطي أخوك سيارتك ... ويرجعها والتانكي فاااضي · أنك تدخل المسنجر .. وما تلقى ألا اللي ماتبيهم · أنك تناظر مباراة على الأي آر تي وأنواع الحماااس وفجأة ينقطع الاشتراك · أنك تذاكر تذاكر تذاكر تذاكر وبعدين تكتشف أن اللي ذاكرته مهوب داخل معك في الاختبار · أنك تعطي جوالك لواحد ويرجعه لك والرسايل محذوفه · أنك تقوم من صباح الله وتروح للجامعة تمشي مليون .. وتلقى الدكتور معتذر · أنك تقوم الصبح وتلقى معجون الأسنان مخلص · أنك تنزل للبقاله وما تلقى عنده عسكريم جلكسي · أنك تـَـشرق بالماء · أنك تتروش .. وأذا خلصت ماتلقى المنشفه · أنك تدخل البيت جوعااااان .. وتشوف القدور قدامك وتغرف وأذا جيت تاكل تلقى الرز بارد · أنك تكلم ويدق عليك واحد ويلقاك أنتظار ويقطع · أنك تغص ولاتلقى أحد يطق ظهرك · أنك تتفرج على اجتماع دول مجلس التعاون الخليجي · أنك تصير أمام لجماعه ... وبالركعة الثانية تذكر أنك منتب على وضوء · أنك تلبس نظاره وسخه · أنك تشوف فـلم .. وواحد جنبك يقولك القصة · أنك تمسك خط وفيه ذباب بسيارتك وأنك تفتح الدريشه ولا يطلع · أنك تدور شغالتكم باندونيسيا <-- الله يخليهم كلهم يشبهون بعض ( يخلق من الشبه مليار ) · أنك تسوي فيها متابع مع الدكتور وتتوهق ويسألك سؤال وماتقدر تجاوب شاركونا بذكر بعض المواقف المشابهة . منقول ،،، |
أنك تذاكر تذاكر تذاكر تذاكر وبعدين تكتشف أن اللي ذاكرته مهوب داخل معك في الاختبار
الموقف الحلو مره صار لي بشكل ثاني .. مره ذاكرت مادة التاريخ في الاولى ثانوي وذاكرت مذاكره ممتازه جدا ومتحمس مع المذاكره لان بيني وين مدرس الماده تحدي اني مانجح في الماده وانا تحديته اني اخذ الدرجه الكامله لكن المصيبه صارت الماده اللي فيها الاختبار هي مادة الاحياء واليوم اللي بعده تاريخ والحمد لله نجحت في الاحياء واخذت الدرجه كامله في التاريخ بعد ماذاكرتها يومين متتاليه .. |
عاشق بلغة تسلم على هالموضوع اليكم بعض الماقف الطريفة : أحد مقدمي نشرة الأخبار أراد أن يقول " نرحب بكم في نشرة الأخبار " فقال " نرحب بكم في نخرة الأشبار " طبعاً دور الخليقه من الضحك . :p :p .............. مدير مؤسسة يقول : كنت في اجتماع واستأذن واحد وتكلم وعلى بالي ابثني عليه ماحد قدي قلت له وانا متحمس " محلك في كلامه يعني كلامك في محله . :p :p لك خالص التحايا .... |
اشكرك عاشق بلغه على النقل و اضيف عندما تتجه لدوامك متأخر و يبلاك الله بغشيم (هندي اصقه) ماسك المسار الايسر و يمشي 40 موصيه معزبه مايتعدى هذه السرعه00 تقبل احترامي0 |
مــــــــــــــــــــــــــــــــــــــــــــشــــ ـــــــــــــــــــــــكـــــــــــــــــــــــــو ريـــــــــــــــــــــــــــــــــــــــــــــن عـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــلــــــــــــــــــــــــــــــــ ـــى المـــــــــــــــــــــــــــــــــــــــــــــــ ــــــــــــــــــشــــــــــــــــــــــــــاركــ ــــــــــــــــــــــــــــــــــــــــــــــــــ ة تحياتي للجميع ،،، |
الساعة الآن 08:18 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM