منتديات البدارين

منتديات البدارين (http://www.albdarain.com/index.php)
-   قالوا عن او في البدارين (http://www.albdarain.com/forumdisplay.php?f=20)
-   -   عبدالله بن دليم...شم الجبال... (http://www.albdarain.com/showthread.php?t=5958)

تركي الزايد 03-06-2009 09:42 PM

عبدالله بن دليم...شم الجبال...
 

قصيدة بسعادة اللواء المتقاعد / عبد الله بن دليم البدراني ، تقديرا وعرفانا لمواقفه المشرفة في كافة المجالات0









عن ضجة الديـرة وبـث القنـوات=وفـلان ودى علـم وفـلان جابـه
سجيت من بيـن الجبـال المنيفـات=في خايـعٍ تـوّ اغسلتـه السحابـه
في موقع لو جلستـي فيـه لحظـات=يطرد عـن النفـس العنـا والكآبـه
ودرت النظر في خلق رب السمـوات=وأبهرني المشهد علـوّ00 ورحابـه
شمّ الجبـال الراسيـات الشبيهـات=بعزم الرجال بقـوّ بـاس وصلابـه
تشـابـه يـاخـذ رمــوز ودلالات=وبين القمـم دايـم يكـون التشابـه
وأقرب مثل وأصدق خبروأنصع اثبات=السامـي اللـي كـل طيـب سمابـه
ابو بـدر بـدر السعـد والمسـرات=اللي فتح لـه واسـع المجـد بابـه
والمجد قمـه والمراقـي عسيـرات=من دونهـا تعـوي حلـوق الذيابـه
وصعد لها من لا يهـاب الصعيبـات=اللـي يشـرف كـل عـالٍ رقـابـه
راع الفعـول الصادقـات/ النبيـلات=الخالـدات / الواضحـات / النوابـه
النايفـات/ المشرقـات /الجزيـلات=المعجـزات لوصفـهـا بالكتـابـه
جهد وفكر وايثـار وانكـار للـذات=وعزم من أربـاب العـزم يقتدابـه
والناس : ذكر وفرق فعل ومقامـات=والله عطاه أطيب ذكر و اعتـلا بـه
رمز من رموز الوطن في المهمـات=يوم إن حد السيـف يحمـي نصابـه
وله موقف من فوق وصف العبارات=متجذر في عمـق حـرب الحرابـه
ومن قبل لا يطرح سؤال وعلامـات=الحربـي الاقـرب لديـه الاجـابـه
مكانة تحسـد مـن أهـل المكانـات=وتواضع يضفـي شمـوخ ومهابـه
دمث الجناب اللـي كفوفـه نديـات=وعادة نـديّ الكـف دمـثٍ جنابـه
يديمـه اللـي نـزل النـور بآيـات=اللـي وعدنـا بدعـوة مستجـابـه
والا القصايد لـو تطـوّل قصيـرات=تركض 00 ولا تلحق طريق مشابـه




الشاعر الرائع/ مشعل الفوازي

محمد بن مرزوق البدراني 04-06-2009 12:18 AM

الاخ تركي الزايد

سلمت أناملك على النقل الرائع

وصح لسان الشاعر مشعل الفوازي

تقبل تحياتي .......

عبدالمطلوب مبارك البدراني 04-06-2009 01:46 AM

يعطيك العافية اخوي تركي على نقل القصيدة الرائعة

للشاعر الرائع مشعل الفوازي ويستاهل عبدالله بن دليم البدراني كل خير

لك فائق التحية والتقدير

ابوعابد 04-06-2009 01:55 AM




صح لسان أبو يزيد

وسلمت أناملك أخوي تركي على النقل الرائع

ويتاهل بن دليم

شكرا لك

راعي الديره 04-06-2009 04:40 PM

صح لسان الشاعر وشكرا على نقلك الجميل ويستاهل ابو بدر هذا الاطراء وقليل في رجل مثل ابن دليم


الساعة الآن 09:33 AM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM