توك صغيره وابتديتي تحبين..من علمك ليل السهر ياصغيره
 

هذي قصيده جميله وانشالله انها تعجبكم.......................

توك صغيـره وابتديتـي تحبيـن
من علمك ليل السهـر ياصغيـره

بدري عليك العشق يابنت هالحيـن
حرام هذا القلب وشهـو مصيـره

انتي بريئه في الهوى ليه تشقيـن؟
صدماته لقلبـك تراهـا خطيـره

عيشي الطفولة واتركي الحب بعدين
وادروبه طوال عليـك وعسيـره

الشوق يفضح لاانكشف داخل العين
وانتي بنفسـك ماهقيتـك بصيـره

إن كان قصدك بالمحبـة تسليـن
بالعكس بتشوفيـن هـمّ وحيـره

الحب قبلك هـز نـاس كثيريـن
خلاّ القلوب تعيش خـوف وغيـره

طيعي كلامي واحذري لاتماديـن
تراجعي عسى ان في الأمـر خيـره

عيشي الطفولة والبراءة لك سنيـن
وبعدين حبـي لاغديتـي كبيـره

تقبلوا تحــــــياتـــــي

لاهنت اخوي بن شنوت وبيض الله وجهك

قصيده جزله وصح لسان راعيها

تسلم طال عمرك

ابن شــنـــوت


الله يعطيك العافيه

على نقل القصيدة

وصح لسان شاعرها



ولاتحرمنا من جديدك

لاعدمناك

الاخ ابن شنوت

السلام عليكم ورحمة الله وبركاته

قصيده جميله ورائعه وصح لسان قايلها

تقبل كل الود

صح لسانك يابن شنوت
ننتظر المزيد