منتديات البدارين

منتديات البدارين (http://www.albdarain.com/index.php)
-   مسابقة فرحة وطن (http://www.albdarain.com/forumdisplay.php?f=121)
-   -   يامرحبا يامكرم الجار والضيف (http://www.albdarain.com/showthread.php?t=8426)

فهد نفيع البدراني 12-05-2011 11:19 PM

يامرحبا يامكرم الجار والضيف
 
ياهاجسي قم ولّف القاف توليــــــف * وهات البيوت اللي تباين طرفــــــــها
من عادتي فالشعر رمّاي هدّيــــــف * ارمي ولاتخطي المشاعر هدفـــــــها
الدلو محكم بالرشا ماهو اقضيـــــف * يسبـح بحور الشـعر لي ويغرفــــــها
شعري يجمّلني بكــل المواقيــــــف * مامـــر كلـمــة طـيّبــة ماقطـفـــــــها
وياللي ادوّر للشــعر والســواليـــف * مســابــقـة فالمنــتــدى مــر شــفــــها
وابحث وتلقى في بطون المظاريــف * مجــد الرجـال اللــي بدأ من سلـفــها
لا قيل بدراني نـهـار العواصيــــف * قبيلة ٍ تصمد وتــروي إشْلــفْـــهــــــا
في سلمها ماتقبل الظلم والزيــــــف * ولاّ العـلــوم الطيــبـة فــي كنــفــــها
فينا الولد ماشـال هــم التكالــيـــــف * يوم الردي جـاب العبـــاه إلـتحــفــها
نعطي حلول ٍ للصعيبة وتصريــــف * إن مخترعناها ذكــا ، نكـــتشــفــها
ونبدي ولانا للملك دون تطويـــــف * ونفس ٍ تعادينا تلاقــــي حــتـــفـْــــها
يامرحبا عداد عـد المصـاريـــــــف * عـداد صــراف ٍ نقوده صـرفـــــــها
يامرحبا يامكرم الجـار والضــيـف * رجل المواقف والصعايب عسفـــــها
حييت في دارك على البن والكيــف * حييت ياذخــر المـــلوك وخــــلفــــها
حر ٍ ولد حر ٍ بروس المشاريــــف * محــدن بيـاقـــف وقفتـه لا وقــفــــها
يمسح دمــوع ٍلليتامــى مذاريـــــف * لاشـاف دمعة طـفل صـد وذرفـــــها
تعطي يمينه كل محتاج واضعــيف * ولافيــه نفــس إلّا تجــلّى كســفـــــها
عادل بحكمه بالوفاء له معاريــــف * الاجنبـــي ون مــر داره عرفــــهـــا
سار بطريقة ماتبعها تحــاسيــــــف * ماعــاد يومـن المسـافة نصــفـــــــها
حكمه ماجاء تصويت كثر التهاتيف * ترشـيح نـاس ٍ قـد تزايد هـتــفـــــــها
ألاّ خذوها بالسيــوف المـراهيـــف * يوم السنـين اللي طواها عــجفـــهــا
قلوبنا بحبــه بتبقــى موالـيـــــــــف * مايقدر الواشــي يفــرّق ولــــفـــــــها
المملكة ترقب له المدن والريــــــف * الممـلكة حب ابو متعب شغــفــــــها
تشرّفـت بك داري اليــوم تشريـــف * مشرّفــة والــيوم زايــد شرفـــــــــها
قامت تشيل من الغناء والغطاريــف * ومافيه شاعر بالفرح ماوصـفــــــــها
تبقين ياداري كما ضلع ٍ منيـــــــف * وناس إطمعت بك حزنها وآسفـــــــها
شعارك السيفين قوة من السيــــــف * ونخلة كرم والظل باسفــل سعفـــــها
ماهي بنخلة يابسة بالكــرانيــــــف * يصعب تميّز تمرها من حشفــــــــها
الله يحفْظِك من عيون الملاقيــــــف * أرجـــم عيون ٍ حاسدة وآحـــــذفـــها
يحْفظك ربي من شرور وصواديـف* يحفظـك من سود الليــال وصدفــــها

الشاعر/ فهد نفيع محمد البدراني

الشاعر بدر راشد 13-05-2011 02:33 AM

الشاعر فهد نفيع البدراني

صح لسانك يافهد وبيض الله وجهك على هاذي القصيده المكتمله

اتمنا لك التوفيق



لي عوده بذن الله قريبا



الشاعربدرالبدراني

تركي الزايد 13-05-2011 10:38 AM

صح لسانك

يافهد

قصيدة جزلة من جزل

خالد 13-05-2011 12:52 PM

صح لسانك ... وفالك التوفيق

عبدالمطلوب مبارك البدراني 13-05-2011 01:34 PM

يامرحبا يامكرم الجـار والضــيـف * رجل المواقف والصعايب عسفـــــها
حييت في دارك على البن والكيــف * حييت ياذخــر المـــلوك وخــــلفــــها
حر ٍ ولد حر ٍ بروس المشاريــــف * محــدن بيـاقـــف وقفتـه لا وقــفــــها
يمسح دمــوع ٍلليتامــى مذاريـــــف * لاشـاف دمعة طـفل صـد وذرفـــــها
تعطي يمينه كل محتاج واضعــيف * ولافيــه نفــس إلّا تجــلّى كســفـــــها
عادل بحكمه بالوفاء له معاريــــف * الاجنبـــي ون مــر داره عرفــــهـــا
سار بطريقة ماتبعها تحــاسيــــــف * ماعــاد يومـن المسـافة نصــفـــــــها
حكمه ماجاء تصويت كثر التهاتيف * ترشـيح نـاس ٍ قـد تزايد هـتــفـــــــها
ألاّ خذوها بالسيــوف المـراهيـــف * يوم السنـين اللي طواها عــجفـــهــا
قلوبنا بحبــه بتبقــى موالـيـــــــــف * مايقدر الواشــي يفــرّق ولــــفـــــــها
المملكة ترقب له المدن والريــــــف * الممـلكة حب ابو متعب شغــفــــــها
تشرّفـت بك داري اليــوم تشريـــف * مشرّفــة والــيوم زايــد شرفـــــــــها




ابن العم الرائع فهد نفيع البدراني

قصيدة رائعة روعة حضورك سلمت يا الذيب
مشاركة ولا اروع بتسلسل افكارها واختيار قافيتها
وجزالة معانيها ....

صح لسانك مليووون ولا يكفوووون يافهد

لك فائق تحيتي واحترامي


الساعة الآن 01:06 AM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM