|
مساجلة شعرية بيني وبين الشيخ ابراهيم الطيير البدراني
الاخوة الاعزاء
هذه قصيدة فيها عتاب على موقف يتضح من خلال القصيدة ارسلتها إلى الشيخ ابراهيم عبدالمحسن الطيير البدراني وقد ارسل ردها الذي ياتيكم في سياق هذه القصيدة بديت باسم الله عظـيم الجلالــــــي = الواحد اللـــي كـل الأمــــة ترجّــــاه قاف جديـد وبه معـــاني جـزالــي = منظومة من جيد الشــــــعر و أحلاه تنصى الجماعه مكرمين السبالـي = واخص أبو فيصـــل و ليش أتعـــداه ابن الطيير أن كان جاله مجــالــي = كل يقول العلم و القــــــول ينصــــاه ولـيلة لفيــنا حفلـــة أم العيــالــــي = يـوم الــمـعزب جــاء بجــنبه ونــاداه ساعة نظرته كل شيء طرالـــــي = الســــلم هـــذا قــبلــــكم ماعـــرفنــاه أخبر رجال في المواقـف ثقالــــي = لكن ما كل عـــدّ حافـظ علـــى مــــاه وان جف ماه وصـار قف هيالــي = ما يسقي العطــشان ولاحـــدٍ يــتمــناه ولاشك شرهتنا على اللي موالــي= رفيقنا اللـــي حـــــثنا ليــــــن جينــــاه ومعكم ركبنـــا الجيب ياهمـلالــي = لا عـاده الله مـــوقـــف مـانسيــــــنـــاه ومعكم نزلنا وسط جمع الرجالــي = وحتى الخطــر يالـو وطــيـتوه ناطـــاه عـــــاداتــنا حمــايـــة للــتوالــــي = رجالنــا فــي عالـــــي الرجــــم تلقـــاه ونرسي كما ترسي طوال الجبالي = نرقى الصعيب أن عجزت الناس ترقاه و الضيف يقلط فوق صفر الدلالي = كل يجـــــيب الفـــــيد من كسب يمنـــاه عدونا ناطاه وطـــــي الجمـالــــي= حالــــه كسـيــف إن كان حنـــا نويــناه وخـــوينا يشرب قــراح زلالــــي= ما نتركه لو مــــــوتنا صــــار وايـــــاه عادات أهلنا من قديـــــم وتالــــي = حنا دليـــــله للذي ضاعــــــت إريـــــاه وربعي ذوي عابد هدفها المعالـي = عـــز الرفــــاقه و الخصــــــيم نتحـداه رفيقنا الطيب يدينــــــه طوالــــي = ومن لاحـــــترمــــنا كـــلنا ماحترمــناه لازم يجــــــينا حقنا بالكمــــــالي = حق الخوي وحقــــــــنا ليلــــة الجـــــاه أما نصير إخوان غالي و غالــي = وألا تـــــرى حبــل جمعنـــــا قطعنــــاه وعداد ماهلت ثعــــول الخيـالــي = صلوا علــــى محــــــمد إذا حل ذكــراه هذا الرد من الشيخ ابراهيم عبدالمحسن البدراني رديت باسم الله راع الكمالي = على عتاب ربوعنا علم ما انساه المعذره يا كاملين الخصالي = واللي حصل ياربعنا ما قصدناه ترى التسامح من خصال الرجالي = وانتم لكم تاريخ بالفعل والجاه ما اذمكم يا طيبين الفعالي = يا بن مبارك طيبكم ما نسيناه يابن مبارك خذ جواب السؤالي = حبل تبي قطعه ترانا وصلناه الحبل هذا وثقوه الاهالي = ما هو على كيفك وكيفي فتلناه اللي صفالك يابو ناصر صفالي = واللي يعكر جوكم ما حسبناه يا مل قلب صار فيه اشتعالي = من يوم جانا خطكم واقترناه من لا سأل عنكم عنه منسالي = واللي سال عنكم نعزه وندراه يالله طلبتك طلبة ببتهالي = من يطلب الله يكرمه من عطاياه من باع ربعه بألف زله وقالي = رخيص باعه منهجه ما نهجناه يا سامح الزلات واف الخصالي = الزول يا ابن العم ما اكثر خطاياه انته تواخذنا بقيل وقالي = فالمقبلات نعوض اللي خسرناه خابرك راعي صبر مع احتمالي = ابن الحموله يحمل الحمل لاجاه ان جاء اللزوم افديك من حر مالي = واللي يقدم الطيب بالعون يلقاه معنا مشيت بطيب شرق وشمالي = وابوك معنا طيبات سجاياه وربعك ربوعي زاملين الهيالي = مروضين الخصم لازاد معناه ترى العدو من صفنا ما ينالي = سامح اتسامح اسمح اللي سمحناه ابشر يا بو ناصر بملفى يحالي = ذوب العسل لجيب من راس مجناه ملفى كمول ربوعنا بمتثالي = والحق ما هو عيب حكم حكمناه حنا بحق ربوعنا ما نبالي = من يوم بان الحق والصدق وافاه صلاة ربي عد ذر الرمالي = على نبي الرحمة اللي تبعناه عبدالمطلوب البدراني |
اقتباس:
|
الاخ ابو ناصر
مساجله جزله ومن شاعرين نجلهم ونقدرهم ف صح لسانكما وبارك الله فيكما لكم الود |
الاخ عبدالمطلوب الله يعطيك العافيه
وصح لسانكما. لك اجمل تحيه |
الاخ الغالي ابو خالد
سعدت بمرورك العطر لك فائق احترامي وتقديري |
| الساعة الآن 06:41 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
خريطة الموقع
mamnoa 4.0 by DAHOM
