الخطه اللي تدفع الخطه
االسلام عليكم ورحمة الله وبركاته
الله من علة(ن) بالصدر منغطه = عن مجمل الناس بالاضلاع مغطوطه اجامل الناس والاوضاع منحطه = والبسمه اللي تجي وتروح محطوطه اسوي الخطه اللي تدفع الخطه = لو إن بعض السوالف غصب مخطوطه كم لي وانا عايشٍ بالضيق والشطه = مسيرة اقدامي الثنتين مشروطه اترك كلامٍ علية القوم منقطه= ماسمع كلام السفيه اللي كلا القوطه مايدمر الناس غير الشك والغبطه= لوكان بعض العرب بالطيب مغبوطه السبحه اللي مع الاحداث منفرطه= عافت يدين الكرام وجات مفروطه ادروب متساويه ودروب منعفطه = أكيد كل الهروج العوج معفوطه وقلوب متغربله وقلوب منبسطه = وقلوب بين الرجاء والياس مبسوطه اتعبتني يازماني والهدف نقطه = الله يذكر زمانك يابن بطوطه لاتنشد اللي علومه جتك مختبطه = فطفوط ياصاحبي ويحب فطفوطه متى يعود الامل باشواق مرتبطه = واجيك في نبرتن بالحزن مشحوطه ثلثين من ربعنا بالمال منشطه= واللي بقاء من ظروف الوقت مشطوطه دقن(ن) على العز والنوماس منمشطه = ودقن(ن) على الذل والتنكيل ممشوطه |
مشكوووووووووووور اخوي صنت على القصيد الجزل طبت وطاب (هرجك)
|
اقتباس:
يعطيك العافية اخوي صنت البدراني قصيدة رائعة روعة حضورك لك فائق التحية والتقدير |
صح لسانك ياصنت ولاهنت قصيده اكثر من رائعه وجميله تحياتي وتقديري |
موفق بإذن الله ... لك مني أجمل تحية .
|
الساعة الآن 10:14 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM