والحر الاشقر في حلاياه يفـــــرق !!!
الاخوة الاعزاء تعودت كل فترة ان اتواصل معكم بقصيدة وهذه القصيدة تعبر نفسها واتمنى ان تحوز على رضاكم ولكم شكري وتقديري..!!
اللي مشى بدرب الرياجيل يلحــق = والا الردي يبقى على طفـــو ناره ومن لايغوص بداخل االبحر يغــرق = يموت ما أحدٍ عارفٍ ويـن داره والحر الاشقر في حلاياه يفـــــرق = والا الطيور كثار والعلم اشاره وما كل من يركب على الهجن يسبق= ولا كل خيالٍ ينول الصـــــداره واللي مشى في ظلمة الليل يعلــــق = تدخل رجو له كلها بــا لخبــــاره واللي على اكتاف الرجال يتسلق = لابد من عثــــره تغيّـــــــر مساره مجدٍ يماري به عقيمٍ ملـــــــفق = ما جاه مجده جــــد والا شطـــــاره يقضي حياته كلها مـــا تؤفــــــــق= وحلاوة تأتي بعدهـــــأ مــــــراره واللي غروره زاد قله ترفـــــــــق = قله يذوب الثلج وان جت حراره وترى الحديد يلين من كثرت الطـق = والنار مقبسها يجي من شراره واللي يريد الحق ما يجهل الحــــــــق = الحق واضح مثل نور المنــاره هذا كلام الصدق علمٍ مؤثـــــق = ما هو كلام اللي يبهل صــــــراره |
ابوناصر انت معودنا على العلوم الغانمه صح لسانك مليون
|
يعطيك العافيه
يا بو ناصر صح لسانك |
استاذي عبد المطلوب مبارك البدراني
صح لسانك يابو ناصر وبيض الله وجهك الشاعربدرالبدراني |
صح اللسانك يابو ناصر قصيدة عصماء شاعر جزل ابدعت لله درك تقبل تحياتي
|
الساعة الآن 06:26 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM