يالله ياللـي تعلـم السـر والغـيـب=ياواحـدن رحمتـه تسبـق عـذابـه
يرازق الأدباش غصبن على الذيـب=ويامحيـي البيـدا بوبـل السحـابـة
تحفظ رجال الطيب واهل المواجيـب=اهـل السلـوم الطيبـة والمهـابـة
في وقت صار السلم يحسب كما العيب=وكل"علـى ليـلاه جــر الربـابـة
تلقا الردي يذكر كمـا يذكـر كليـب=من شان مال" كانـزة فـي حسابـة
ولولا الردى محدن عرف قيمة الطيب=ولولا الدهر محدن يخيـل السحابـة
قلته وانا من عزوة اهـل التراحيـب=اهل العقيدة من عصـور الصحابـة
حرب الوفاء واهل السيوف المحاديب=في دربهـم تشبـع طيـور وذيابـة
يوم الجهـل ومسقـلات المقاضيـب=يوم الرجـل مافـوق راسـة رقابـة
واليوم حل الامن عقـب التصاعيـب=من فضل ربن كـل مومـن لجابـة
ومن لايروم الطيـب قـدام لايشيـب=نفرح ليـا ركـزت عليـه النصابـة