منتديات البدارين

منتديات البدارين (http://www.albdarain.com/index.php)
-   قالوا عن او في البدارين (http://www.albdarain.com/forumdisplay.php?f=20)
-   -   طيب البدارين (http://www.albdarain.com/showthread.php?t=5626)

فهيد العازمي 22-03-2009 11:51 AM

طيب البدارين
 
اخواني اعضاء وزوار منتدى البدارين الاعزاء
السلام عليكم ورحمة الله وبركاته
هذه القصيدة رد جميل وثناء للاستاذ / فلاح بن حنبوج البدراني مدير مستشفى سميراء العام
وهي موجهة لكافة قبيلة البدارين
وارجو لها القبول من الجميع


الطيب لو انه خلق خلقت انسان=تلقاه حربي ينتمي للبدارين
وتلقاه عايش بينهم بأمن وأمان=وباقٍ عزيز بعسر الايام واللين
اهل الوفى والجود طلقين الايمان=اهل الشكاله قوم فزعة واهل دين
حطولهم في قمة المجد عنوان=عنوان ثابت ماتغير من سنين
لا قلت بدراني خرص كل شيطان=وتثقل بهالكلمة حفاف الموازين
رمز الشهامة والطناخة وشجعان=فريس بالماضي وحاضر وبعدين
باقي لهم فعل الوفى شاهد اعيان=وافعالهم بالطيب تبقى براهين
خاويتهم فترة زمن بين الازمان=ولقيتهم نعم الرجال العزيزين
عاشوا على عز ومعزة مع ايمان=ماغيرتهم عولمة عام الالفين
خويهم دايم عزيزاً ولا هان=ومن المعزة مسكنه داخل العين
اللي يماشيهم على طول ربحان=ومحشوم من زلات الايام والشين
واللي يخليهم هبيلاً وخسران=ومحروم من خوت نشاماً سلاطين
مدحتهم والمدح واجب للاخوان=اهل المواقف والشيوخ المسمين
ولاني موفي حقهم مدح لو كان=ابدع من الاشعار سبعة دواوين
ولا أظلم ضميري وانتقص حق عربان=كل القبايل في عيوني حشيمين
والختم لو الطيب مخلوقاً انسان=من دون شك انه سلايل بدارين



اخوكم / فهيد بن سحلي العازمي

yasser 22-03-2009 01:23 PM

اخوي فهيد

صح لسانك

واهلا فيك بين اخوانك

وفي انتظار جديدك متمنين ان نرى مشاركاتك تنير المنتدى

عبدالمطلوب مبارك البدراني 22-03-2009 01:29 PM

الاخ الغالي

فهيد العازمي

اهلا وسهلا ومرحبا بك ملايين

وبيض الله وجهك وصح لسانك

قصيدة راقية رقي قائلها والنعم

بك وبربعك

لك فائق احترامي

مشاري البدراني 22-03-2009 01:56 PM

يامرحبا فيك يافهيد وحياك الله معنا


وصح لسانك قصيده اكثر من رائعه والله لايهينك ويعطيك العافيه


وياهلا



تحياااااتي وتقديري

سفير الحميدات 22-03-2009 02:24 PM

اخوي فهيد العازمي اهلا بك بين اخوانك وستجدنا كم تظن بنا من الخير
وصح لسانك ولا عليك زود.


الساعة الآن 11:43 PM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM