|
جيب ٍ جديد ٍ ماتعـود علـى الكلـف
جيب ٍ جديد ٍ ماتعـود علـى الكلـف***له عن رخيصـات المشاويـر كافـي ماقد تلوى فـي دركسونـه الجلـف***ولا فـي جميـع محركاتـه خلافـي ولا عد في الطبلون عـداده الا ألـف***كثيـر وقتـه فـي البوايـك وقافـي الا ليا منه طـرا الطـاري الصلـف***عند اللـزوم يشـال عنـه اللحافـي جيب ٍ تسابق قومته نقـرة السلـف***من مصنعـه صمـم لقطـع الفيافـي بينه وبين مخافت أهل الهـوا حلـف***من جاه لو هو يشتغـل قـال طافـي لا يسمع البستـم ولا يسمـع البلـف***الا مخـالا ً مثـل مـاقـال لافــي بيني وبينه مع فجـوج الخـلا ولـف***عسـاس والا قـدم عسـم الخفافـي ليا سرح صدر النهـار اخـره يلـف***أهـل البيـوت مرفعـات الرفـافـي أحفاد مرويّـن المزاريـج والشلـف***يوم المصافـق عنـد حـم الشعافـي لين أستحلوا بالشفـا مرتـع الخلـف***وضافوا على المشقوق الاسم الإضافي قوم ٍ ظهور الخور لصحونهم علـف***ذباحـة المـردم بوقـت الجفـافـي مجازر ٍ يجلب لها الخـف والظلـف***نقذة عرب يـوم السنيـن العجافـي من روائع الشاعر//// عبدالله بن عون |
رائعة وجزلة ومميزة يا مشاري البدراني منقووول رائع لشاعر رائع لك تحيتي وتقديري |
الله الله صح لسانك اخوي مشاري ولسان شاعرها لـك فـائـق احـرامـي وتـقـديـري |
قصيدة رااائعه وجميله ، لشاعر غني عن التعريف / الغالي / مشاري البدراني شكراً لك على النقل الجميل والذي يدل على ذائقتك الفنيه والرااائعه بارك الله فيك وكل عااام وأنت بخير |
اقتباس:
مرحبا مليوووون وحياك الله وشاكر لك هذا المرور العطر الرائع تحياااااتي وتقديري |
| الساعة الآن 12:34 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
خريطة الموقع
mamnoa 4.0 by DAHOM
