الهرش غادي والدداسن معاثير =ولايقطع الفرجات كل معثوري
مايدوره ياكود صافي المسامير =شهب الجيوب اللي تتل السيوري
سواقه ابتع من حديده ليا دير = ليا نطح له عثعثاً مع قيوري
يابوبدر عقب الجمل كيف اباصير = ماشفت مثله بالجزيره يدوري

هيض عليه قاف قرم المناعير = قدم لي الفنجال والبيت فوري
واخذت لي ساعه واديرالتفاكير =لين انتبهت وريعتبي شعوري
ورداًعليه مثل وردن على بير =ورد الدبش يومن هاك العصوري
ذلي مراقيباً وذلي مصادير = ودقن بجاشي مثل دق النجوري
يابوصنت دنياك هاذي تعابير= يلطم غثاهامثل لطم البحوري
الهرش ماو خلفة لو غدى بعير=عساه مذلاف الهوى بالطيوري
ماهو بموزم يامحمدمداوير= تلقاه في ساحوق يرد الحفوري
عينت اهلنا يارفيع المقادير=ماباقي الا ذكرهم بالقصوري
اهل الرباع مدلهين المسايير=حاطين في عين المعادي ذروري
جدك وابوك وعمك اهل المشاهير= افعالهم تذكر وهم بالقبوري
يابن الأمير اللي على جيله أمير=ريف الضعيف وزبن راع الثبوري
ان جاء نهارفيه طق المعاشير= تفرح به الملحاء السناد الضيوري
اللي يخل الخيل عنها تنانير =هرج ثبات وكل شي مخبوري
ان جو عليهن مثل روس النواعير=ومكسرات اذيالهن للظهوري
حول لهن ماطاع كل المشاوير =من كف اخو صيته شكن الكسوري
اللي سلم ضاقت عليه المعابير=واللي وقع في ماقعه مايثوري
الشمري جاهم براسه عياطير=وروح معيف ودم جوفه يفوري
أول نهاره طايشن كنه الزير=واتلى نهاره نشقوه العطوري
من دون خلفتن تحض المقاهير=حم الشعاف مربعات القفوري
ابن رشيد اللي يقود الجماهير=جاهم طلوع الشمس قبل السحوري
وشافوا وعافوا وصرفوهن مدابير=ومع دربهم شبع الحقب والنصوري
ماذمهم لاكان لاقو مساطير=في جنب عطره يم ضلع الصقوري
من عقبها ماعاد شل المغاوير=وصارت عل ولد الحموله دبوري
واما انت ياكحيلان مافيك تقصير=ياحامي الزلبات زبن الحشوري
أن جاء نهارن صلف مابه معاذير=وطار الحيا عن لابسات القموري
ليت الليالي ساعفنك على خير=يااللي على طول الدهر ماتبوري
والياسلم راع النياق المغاتير =كني غني لوكان ماجد فطوري
ياماحذف من حيل ولافرافير=واللي مكذب يشهدن القدوري
واشوف لي حياًتحداه يامنير=شبعوا وهازوا كاملين الشبوري
غشام ماعقب بعشه عصافير=تريحوا يامجعفين الوثوري
زعيمهم حدوه فوق الشناظير =يمشي على غير السنع ومخفوري
هداج ماظاموه كثر الحدادير =جمه يزود وجم غيره يغوري

أن كان من حب ربعه حل تكفيره = عز الله اني كفرت وحل تكفيري