بدينا والبدايه نطلب المولى سعد ووفوق=نبا نسبح بحر ونجيب لولوه ومرجانه
ابومتعب ملك وسط القلوب ولابقي معلوق=مافاض من الغلا والحب والتقدير شريانه
تطير قلوبنا مثل الحرار اللي بدون سبوق=وصدرك موطن العزه قلوب الشعب سكانه
وقلبك موطنه بصدورنا بين الضلوع يلوق=سكن بقلوبنا وصدورنا من خيرة اوطانه
سلامه راسك الخاضع لربه والتواضع ذوق=يجسد في البنادم مذهبه وآلآه وأيمانه
أجل هذا الوطن من هيبتك قام يتسامى فوق=زرعت الالفه اللي من ثمرها الدر والدانه
نعيش مع الوطن لحظه وفا ومبايعه وحقوق=نجدد عهدنا الموثوق ونشرع ببيبانه
كتبنا حبنا للعهد وأصبح واضح وموثوق=بيوم الجمعه المشهود بأعلانه وسلطانه
زرعنا باالمحبه ملحمه عظمى وحب وشوق=وعود كل حاسد مندحر شره وطغيانه
وطن وأغلى وطن وأطهر وطن والحق مابه عوق=هنيئا للقلوب اللي تعرف الحق وأعوانه
نخاطب قيمه الانسان قلب من ولاه يتوق=على حب المواطن والوطن وشجانك أشجانه
تلوح بروق من قبله وبالمشرق تلوح بروق=وحنا ثابتين وفتنه المسلم من اخوانه
فداك ارواح شعبك ياملكنا سامي المنطوق=عسى الله يحفظك ندعيلك الرحمن سبحانه
قلوب الشعب تلهج بالدعا في شوفتك وتروق=هنتك العافيه من قلب شعب ومنطق لسانه
تسابقنا نعبر بالمشاعر مابنا مسبوق=مثل غيث على عرش المعزه هل ودانه
على وضح النقا شعب وحكومه مانحب البوق=ولانا في وجيه أعدا وطنا ثار بركانه
على نهج الشريعه حكمنا هو مجدنا المرموق=نجدد بيعته ونحارب الغاوي وشيطانه
نسوق إلك البشاير وانت سقت النا البشاير سوق=تباشير الفرح عمت عموم الدار واركانه

الشاعر : فهد بن ذعار البدراني