|
مشاركة .. جمال فهيد شعوي البدراني في (فرحة وطن)
السلام عليكم ورحمة الله وبركاته إخواني الأعزاء .. أعضاء وزوار -منتديات البدارين- يسرني أن أضع بين أيديكم مشاركتي في مسابقة الشيخ محمد بن ناصر البدراني بمنتديات البدارين
طرقت طرقٍ من خيــــار الطواريق=يشوق فرســـــان القصيــــد ابنيانه أحلى من التمر الحســاوي ليا ذيق=وأغلى من أطنان الذهب بالخزانـه وأثقل من جبال السراوات وطويق=وأخف من زامي زهر قحويانـــــه مادام للشعـــــــر الحقيقي ذواويق=يبقى الثميــــــن وينفهــق هيملانه مسابقـات الشعــــــر حظ العماليق=اللي لهم في شم الأمثـــــــال خانه قولٍ صحيـــحٍ مايبى له تحاقيــــق=عانق مراويح السحــــــايب عنانه وبمنتدى طوال اليماني المطاليــق=ربعي ذرا الخايف وصمـــام أمانه ربعي البدارين الحــراب الذواليق=من حرب سقــم اللي براسه لعانه شاقتني أصوات المواويل تشويق=واستوقفتني للتعــــــابيـــر دانــــه دانة بحر موجه يطم الشواهيــــق=يزمي على زامي هضــاب الكنانه خلتني أكتب مابا (أبومتعب) يليق=يليق في عرشــــه وسامي مكانه الفيصلي ريف اليتامى المعــاويق=وريف الشيوخ اللي بحاجة إعانه اللي بعهده طـور الإنشـاء ماعيـــق=حافظ على صرح الشمــوخ وكيــانه وأسهم بدعم التنميــــة دون تفريق=بين الرعيــــه بالقســــــا والليـــــانه ياما بذل جاهه وجهـــــده لتحقيـــق=سبــل الســــــــلام العالمي وضمـــانه ياما سعى للصلـــــح بين الأشاقيــق=رغم إختـــلاف العرق وأصل الديـــانه فتح بيبــــانٍ للتســـــــامح مغاليـــق=وحارب بواويق الغـــــدر والخيــــــانه حتى أســـر حبــــه قلوب المخاليــق=ونبــــع مابيـــــن ضلوعهم ريهجــــانه حبٍ يبي يبقـــى مابيـــن المعاليــــق=يبقــــى مابيـــن الشعـب مثل الأمـــــانه بغيابه صـدور الرعيــــه بها ضيــق=رويت حزن والحـــــــزن جــر انهتـــانه وبقـدومه الأفـــراح غرب وتشاريق=عمت ولبس الــــدار ثوب أفرحـــــــــانه له الولاء منــا قنـــاعة وتصــــديــق=مالاح بـــــراقٍ يشــــــــوق إلمعـــــــانه وماهزت الحــايه غصــونٍ مواريق=وماطـار طيــــــرٍ بالسمـــــــاء بجنحـــــانه وختـــامها : ياحافظيـــن المواثيــق=صلـــوا على اللـــــي عـــزه الله وصانـــــه نبينـــا اللي طبــق الشــــــرع تطبيق=وحارب طواغيت الضــــلال وعـــــــــوانه |
الشاعرجمال فهيد البدراني
صح لسانك ياجمال وبيض الله وجهك القصيده اكثر من رايعه يعلم الله انك رفعة روسنا لي عوده قريبا انشا الله الشاعربدرالبدراني |
الاخ الغالي جمال البدراني
صح لسانك وعلا شانك وبيض الله وجهك قصيدة جميلة ورائعة لك فائق التحية والتقدير |
بسم الله الرحمن الرحيم
الشاعر جمال فهيد شعوي البدراني قال وجاد القصيده خمسه وشرون بيتا (25) البيت الاول-الثاني-الثالث-الرابع مقدمة القصيده الاربعه الابيات تكلم الشاعر عن الشعر وعن جيده البيت الخامس- السادس -السابع-الثامن تكلم الشاعر عن المسابقه وعن النتدى الحاضن ويفتخر ويعتز في قبيلته قبيلت البدارين من حرب البيت التاسع-والعاشر-والحادي عشر-والثاني عشر-والثالث عشر-والرابع عشر- والخامس عشر-السادس عشر- السابع عشر-الثامن عشر-التاسع عشر- والعشرون-الواحدوالعشرون-الثاني والعشرون يقول الشاعرشاقتني اصوات المواويل تشويق_وستوقفتني لاتعابير دانه دنة بحر موجه يطم الشواهيق يزمي على زامي هضاب الكنانه خلتني اكتب مابابومتعب يليق_يليق في عرشه وسامي مكانه وتكلم الشاعر عن جهود الملك عبد الله ابن عبد العزيز بتحقيق السلام العالمي وكذالك جهوده حفظه الله بالمصالحه بين الاشقى حتى انه قال ياما سعى بالصلح بين الاشاقيق_رغم اختلاف العرق وصل وديانه حتي انه قال الشاعر له الولا منا قناعه وتصديق_ملاح براقا يشوق لمعانه البيت الثالث والعشرون-الرابع والعشرون-الخامس والعشرون ختم القصيده بالصلاه على النبي صلى الله عليه وسلم القصيد مكتمله من جميع الجوانب شاعر ياجمال نتمنا لك التوفيق الخوه الاعزا اطلب منكم العذر والسموحه والنتم كرما الشاعربدرالبدراني |
أحلى من التمر الحساوي ليا ذيق *** وأغلى من أطنان الذهب بالخزانه بالفعل استطعمنا احلى من التمر الحساوي وادخرنا الذهب في منتدانا استاذ جمال شهادتي فيك مجروحه وصح لسانك وبيض الله وجهك ومن حسن ألى أحسن |
| الساعة الآن 07:08 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
خريطة الموقع
mamnoa 4.0 by DAHOM
