منتديات البدارين

منتديات البدارين (http://www.albdarain.com/index.php)
-   الشاعر بدر بن راشد البدراني (http://www.albdarain.com/forumdisplay.php?f=113)
-   -   ابيات رثا في لفا بن حمود ابن زايد (http://www.albdarain.com/showthread.php?t=9143)

الشاعر بدر راشد 12-12-2011 07:25 AM

ابيات رثا في لفا بن حمود ابن زايد
 
بسم الله الرحمن الرحيم

اسال الله العظيم رب العرش الكريم ان يرحم لفا بن حمود بن زايد رحمتن واسعه

ويسكنه فسيح جناته مانملك من الامر شيا الا الدعا بالرحمه البو فهد


وعسى البقى في حيات ابو متعب زبن بن حمود وبابناه وبنا اخوانه(الزوايد) ع

هاذي ابيات رثا في

لفا بن حمود بن زايد





الله ولا هازمان الاقشر البايد = ادلا علينا وقام يخمنا خمي


الخير فيه انخفظ والشر متزايد = زمان وجهه قبيح ويلتفت يمي


واقلبي الي بنيران الحزن جايد = احزان متواليه لين حترق دمي


وعيني تهل الدموع ودمعها زايد = امسح دموع الحزن لين ارتواكمي


يوالله ابكي لفا بن حمود ابن زايد= ياقو حزني عليه ويثقل همي


يبكي عليه القريب ويبكي النايد = وشلون انا الي بناخيه ولدعمي


يبكونه اعيال ابن بدران ابن زايد= وكلن لاجاله ولد على اسمه يسمي


على لفا طير شلوا كايدالكايد = طح طوح روس المراجل لامها لامي


المرجله زايده مثل الكرم زايد = رفقه وعقل وثقل ودراك وملمي


عن لازمه لاغفة عينه ولاحايد= ولازم رفيقه ليمنه بدا تمي


وهاذي صفه في عيال حمود ابن زايد = مثل الجبال الطوال الشمخ الشمي



في جاه من يعبد الله راكعن ساجد = وشفاعتك يالرسول الهادي الامي


عساه بالجنه الي ظلها بارد = ماتخطر ابال احد بالكيف والكمي




الشاعر بدر البدراني

خالد 12-12-2011 09:03 AM

الله يرحمه ..,

يعطيك العافيه على مشاعرك

عبدالمطلوب مبارك البدراني 12-12-2011 01:42 PM

الله يرحم لفا بن حمود بن زايد ويسكنه فسيح جناته

وصح لسانك شاعرنا بدر راشد على هذه القصيدة المرثية الجزلة

وعاداتك الجزاله وما هي غريبة عليك

لك فائق التحية والتقدير والاحترام

الشاعر بدر راشد 13-12-2011 06:06 PM

خالد

الله يعافيك







الشاعربدرالبدراني

الشاعر بدر راشد 13-12-2011 06:43 PM

استاذي عبد المطلوب مبارك البدراني


صح بدنك يابو ناصر


الشاعربدرالبدراني
-------------------------------------------------------------------------

الشعر زوده يحتمي نقصانه= وانا وزودي محتمي نقصاني


انا اعترف بالشعر من جدانه = والشعر يعرفني على جداني


سبعه ابحور الشعر غير اوزانه= اسخر بيوت الشعر ماتعصاني


اغوص باعماقه واجيب الدانه = الجوهره والول والمرجاني


يابن جعيثن منتدانا امانه = يامحمد ابن جعين البدراني


ارفع مقاماته وعزز شانه = الباخره في ذمت الرباني


وعلمي يابو عبدالله وعنوانه = لاعلهم يفدونك الردياني


من لاقدر يقول صح السانه = انا اخدمه واقول صح الساني


الشاعر بدرالبدراني


الساعة الآن 04:04 PM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM