المملكة يا دارنا اعـــز الاوطـــــــان = اللي حوى خير البرية ثراها
مهبط وحي وارض الرسالة والايمان= ومنها بعث خير المخاليق طه
احبـــها واعـــزها طول الازمــان = وأعشق ثراها واستظل بسماها
أر ض موفقـــها الولي عالي الشان= وهي قبلة الاسلام ربي حماهـــا
يخرس جميع اللي نواها ببهتان = أرض الحرم والبيت ربي وقاها
ربي حفظها بامره مدير الاكوان = من يوم ابو تركي بعزمه نصاها
جاها بعد ما صارت الناس عدوان = وعمّ الجهل فيها وكثّر بلاهـــا
الله يجازي راع الإحسان بإحسان= عبد العزيز اللي مجود بناهـــا
من بعد ماهي صايره عج دخان = جاها وفرّق صيفها عن شتاها
قبائل كانت تحارب على شان = من شان مرعاها ومن شان ماها
صاروا سواء بالدار جيران واخوان= وكل يبي العليا ويطمع شراها
وبعده حكم فالدار ذرفين الايمان= ملوك نجــــد اللي يذري ذراهــــا
سعود والفيصل على الحق عوان = في عهدهم دار الوفاء في بهاها
وخالد وابو فيصل ترى شانهم شان= كلٍ يعــــــد الطيبة ما نساهــــا
واليوم في عهد الملك طير حوران= طال البناء فيها وحقق مناهــــا
عبد الله اللي له مواقيف شجعان = إن ثارت الهيجاء ودارت رحاها
يشهد على ما قلت شيب وشبان= كبود موقدت الفتن كــــذ كواهـــــا
وعضيد عبد الله على الحق سلمان = يلجم عداة الدين عن مبتغاها
ولي عهد المملكة صقر شيهان = ناره على العدوان زايد لظاها
ومقرن حمى للدار من كل فتان = نار الفتن مقرن يطفي سناها
وختامها عداد همال الامزان = صلوا على نبي الامة اللي هداها