من يعرف الحل وابواب الجوابي ؟!!
 

الاخوة الاعزاء وجه الشاعر محمد المويعزي عبر مجالس حرب قصيدة قد جاريته فيها وكان له رد هو كذلك

قصيدة الشاعرمحمد المويعزي


الحبيب اللي تلـذذ فـي عذابـي=
ويش اسوي فيه لا ضيّق عليّـه
كل يوم مسـويٍ فـي انقلابـي
يمسي بنيّه ويصبح بالـف نيّـه
ما عرفت اللي تـورّاه ونوابـي=
نوب اقول انه دلع مع عنجهيّـه
نوب اقول انه عليّه صك بابـي=
ونوب اقول انه نوانـي بالمنيّـه
والله اني مـن رجـالٍ ماتهابـي=
تنطح الصعبـات بعـزومٍ قويّـه
لكن ان الوضع به شبه ارتيابـي=
ولا عرفت اللي نواه الزين فيّه !!
من يعرف الحل وابواب الجوابي=
يفزع بحلـه ويبشـر بالهديّـه


الرد عبدالمطلوب البدراني


باسم رب البيت حلال ألصعابي=
فارج الكربـات عـلام الخفيـة
ابتدي قاف تسير بـه ألركابـي=
ياصل اللي عذبـه رادع شفيّـه
يتوجـع مذهـب قلبـه ذهابـي=
توهـه بيـن التغلـي والرديّـه
اشهد إن الحب يفقدك ألصوابـي=
واسأل اللي جربوه من البريّـة
قبلنا قيس أنجرح وهـو شبابـي =
يوم صابه حب ليلـى ألعامريّـه
الغوا لي لأجلهن قـام ألحرابـي=
اذكر أبو زيـد قـواد السريّـة
يا محمد خذ جوابـي للخطابـي=
اهجر اللي ماعرف ضيقة خويّه
أن رجع رحب ولا فيها انسحابي=
وان تلاعب بالمشاعر صار حيّه
ابتعد عن من يجيب لك النشابي=
ودور اللي ماتقلـب فـي نويّـه


رد الشاعر محمد المويعزي



ياهلا ترحيـب سعـدون بعقابـي=
منّـي للحربـي ملاييـن وتحيّـه
يوم شفت الرد طاب الكيف طابي=
يوم جاني مع ذعاذيـع الغربيّـه
اكتمل عقد الفرح والهـم غابـي=
وانشرح صدري وكنّي .. بالطرفيّه
التجاوب مـن رفيعيـن الجنابـي=
ما هو مستغرب على اهل الشاذليّه
البدراني جـاب حلّـه واعتنابـي=
يوم شاف الزين زاد الكـي كيّـه
قلت:بصبر لو محبوبـي سطابـي=
يمكـن يغيّـر سلوبـه والأذيّـه
يمكن انه يلطف بباقـي شبابـي=

لا يشيّب بي ويظهر شيب فيّه !!