مجراة الشاعر
 

الشاعر اللي محكماتن ابيوتــــــه ***ودك على معنى قصيده تجاريه
تنهج مناهيجه اوتقنت قنوتــــــه***ليا صرت شاعر مايسوي اتسويه
يمكن اتحصل بالبحر مثل حوته***والا تفاعل في ضميرك معانـــيه
وليا عطاك الطيبه من كروتــــه *** تبادله نفس المشاعر وتعطيــــه
وان كان ماأنته قدها لاتشوتـــــه*** خذها نصيحه وانتبه لاتناحيــــه
واللي يخشه عنك في جيب كوته*** مالك اومال اللي بداخل مخابيه
شرد القوافي لاندبهن بصوته ** *كن الجنون تحضر اللي حـــواليه
والشارده والوارده ماتفوتــــه*** وينبيك عن حاضر زمانه وماضيه
شاعر ويعلن بالمواقف ثبوته***من زين قافه ودك انك تغنيــــــــــه
الشعر يحيا فيه ويموت موته*** كنه يميتـــــه بالجزيره او يحييـــــه
ونفسه اليا خاواك ماهي شموته** يضحك احجاجه والخطا مايدانيـــه.
هرجه كما الفضه ذهب من سكوته ** كل العلوم الطيبه تنوجد فيـــــه
اسمه مع الجمهور في كل نوته** والناس تنشر مايقوله ويرويــــــــه
وبحر الشعر كلن ركب جيلبوته ** يبغا الجواهر كل طماع ويتيــــــه
يجيب مرجان البحر من خبوته** اللي على الأمواج ترسي موانيــــه
ليا غاص غبات البحر جاب قوته** مده وجزره مايغير هقاويــــــــه
تمت عدد قطف الزهر من نبوته** وعداد من جاب النداء قال لبيــــه
وعداد من يمشي على الأرض بوته* على الرسول اللي حميده مساعيه


الشاعر ابوعادل

صح لسانك ولسان ابو عادل