منتديات البدارين - مساجله شعريه

اخواني الحقيقه ان الأخ صنت البدراني شاعر مبدع وشعره سامي

وشرفني بمجاراته لي ومن باب المحبه حبيت اشكره واثمن له ماساقه لي

من معاني وابيات رائعه لها صدى جميل عندي وعند محبي هذا الشاعر الجميل

يامرسلن فلوة الخاطر على غربي = جتنا محبه صنت من طيب مرسلها
هلا وغلا حيّهـا لعناقهـا ذربـي = مهرة اصيلاً وانا من عصر اخايلها
الطيب يستاقها ميرادهـا شربـي = نبعي قراحـن ليـا وردة يجمّلهـا
في قمة بالوفاء والطيب يفخربـي =اخيلهـا ليـن ماذبـت جدايلـهـا
لبياتها والمعانـي جيتهـا طربـي =والطيبه طيبها من طيـب قايلهـا
حيو معي الشاعر البدراني الحربي =ابن الرجال العريبه فـي قبايلهـا
ميل به الهاجس وساقه على دربي= وذكر بيوت ن عمرها طيب عاملها
ياطيب فكره يافكري لا تقف سربي =نبي نرد الجميلـه مـع جمايلهـا

الشاعر / غربي حزام العنزي

ياهاجسي كل مانسس هواء الغربي= صخر بنات الفكر بالطوع ذللها
لعيون قرم يفك الضيق والكربي= اللي ليا مالت الحمله يعدلها
نوارد الفكر لاجل الطيب تبحربي= من شان ارد الثمينه كف حاملها
مايختلف لونها بالبعد والقربي= نرضي ذوائق رجال الفكر باكملها
يشهر بها الحر عنوه محكم الضربي= في قمةٍ والحرار الشقر تدهلها
وقفة ثناء في عميلي والوفاء حربي= خاويت غربي على الهاجوس واشعلها
من طيب فكره يهيض ساير العربي= ببياته اللي جميع الناس تنقلها
غنيتها بالوفاء والصوت يشهربي= نبي نرد الجميله من مخايلها

الشاعر/ صنت عوض البدراني