يارب ياعالم



فهد ضيف الله الغيداني

قعدت أفكـر بالسنيـن الماضيـات

ولوين كنت أمشي وأدرّج خطوتـي

للدين...للدنيا ...لبعض من الشتات

أو انهـا بيـن الثلاثـة مشيتـي

بكيت دمعٍ يشبـه لنهـر الفـرات

صافـي لعـل الله يغفـر زلـتـي

أنا مثـل غيـر ذنوبـي كايـدات

انا مثل غيري غلطـت وغلطتـي

تحرم عيوني من معانقـة المبـات

وتضيق في فمّي عليّـه بسمتـي

وأطمح من الله دمحها قبل الممات

وادعـي لعـل الله يقبـل دعوتـي

وقعدت أفكر بالسنيـن المقبـلات

اليا انحنى ظهري وشابـت لحيتـي

ياهل ترى تضفي علي الضافيـات

أو انهـا تقصـر عليّـه كسوتـي

من عقب عزّي والخيول المسرجات

ياهل ترى لاشبت تبقـى عزّتـي؟

يارب ياكاسـي ظهـورٍ عاريـات

يـارب ياعالـم بخافـي دمعتـي

يـارب يـارازق بطـونٍ جايعـات

يـارب ياحافـظ عليّـه قـدرتـي

تغفر ذنوبي كلهـا قبـل الوفـات

قـدام لاتدنـو وتقـرب ساعتـي

ولامتّ في وسط القبور الضيّقـات

وسّـع عليّـه يا الهـي ضيقـتـي

واليا بعثت وجيت من عقب الفتات

ادخلنـي الجنـه وثبّـت خطوتـي



http://www.almadinapress.com/index.a...icleid=1018771