سلام الله عدد وبل الخيــــالــي =على اللي نعرفه ونعرف طيبه
أبو مرزوق وان جاله مجالـــي= يخلص كل طــالب من طليبه
ولولا الطيب وعلوم الرجالـــي= مــا تعنــا له ركاب ولا تجيبه
أنا يا ابن الحمولة كنت سالــــي= احسب الطيــب في كل الكتيبة
اثر ما ينعرف غيـــب الليالــــي = عظيــــم الشـــأن علام بغيـــبه
صبرت وزاد صبري واحتمالي =وأظن الرجل ما يرضى الغليبه
أنا باتبع رضا رب ألجلالـــي = وكــل في خطـــاه الله حســــيبه
ولا قــاطع قنـــاة الاتصالــــي = ولا يعـــذر نسيـــب من نسيبه
وما دام إن الدلي لها حبالـــي = وغزير الجم زايــــد في قليبه
ودلي القوم تصفق كل جالــي =أنا دلوي أبعرف وش نصيبه
وما ضيّق عليّه صـــفو بالـي = وسبب لي بوسط القلب ريّبه
ياغير اللي بحقي ما يبالـــــي = وتضييع الحقوق اكبر مصيبة
مصيبه كان جتني من خوالي = وتبي تصبح عـــواقبها عطيبه
حمدت الله ما أبديت الهزالي = وقليل العرف ما يكسب كسيبه
وعلى شيمه وقدر أول وتالي = سلوم رجال وجدود عريبـــــه
وإذا وفى كريمين السبالـــي = طليب الحق ما ينشق جيبــــه
بديت بطيب وعلوم جزالــي = وليّــــــه مع رجال العرف هيبــــه
دخلت البيت وأبديت امتثالــــــــي = لكن اللي حصل حاجه غريبــــــة
ويألو إنــــها جـــــت من جــهالـي = تركنـــــاها وقلنا الجهل خيبـــــــه
وأنا اعرف مكسبي من رأس مالي = ولأنــــي خايف تضيع الذهيبـــــه
ومادام إن الجمال لها جمالـــــي =وقيّــــــــدها عرف دربه وذيبــــــــه
ترى حتى الرجال لها يا غالـــي = نوادر غيـــرهم ماشـــــي قضيبــــــه
رواسي مثل راسية ألجبالــــي = ما غيرها الهواء ســـــــاعة هبيبــــــه
يشيلون الحمول اللي ثقالـــــي = يـــــردون الـــــــــردية والمعيبـــــة
بعد وضحت كل اللي طرالــي= تــــراه السيل ما ينــــــطح شعيبـــــه
يجيك السيل نازل من عوالـي =واذا طــب الو طاء من يلتــــــقي بـــه
وجنيه السلم أخير من ألريالي = والذئب إن جـــاع يزعجـــك بقنيبــــه
يسرجف بالجنوب وبالشمالي = واذا اشرف رأس مزموم يعويبـــــــه
وحياة طعمها مــر و حالــــي= وفيـــــها الهم ونفـــــوس كئيبـــــــة
بها يرتاح من صابه هبالـــي = ومن به عــــقل منها يزيد شيبـــــــه
وعدد نبت الروابي والتلالي = صـلاة الله علـــى من نقتـــدي بــــــــه