عرض مشاركة واحدة
قديم 23-01-2016, 11:01 PM   #1
افتراضي قصيدة القيتها في زواج الشاب خالد منور البدراني

قصيدة القيتها في زواج الشاب خالد منور البدراني بالحناكية



البداية بابتـــدي باســــم الله الرحمانـــي
العليم العالم اللي ما أحد يعلــم غيبــــــه
الكثير مـــن الشعر يا ربعنا ما أشقانـــي
والله إنّــــا ما اشتقينا به ولا اغني بـــه
ما اشتقي يا غير في قاف على ألميزاني
في لزومه وإن بـــــدأ لازم علينا نجيبـه
لأجل ربعي بأبدع الإشعار وال القيفاــني
وأتعمق في الشعر وأغـوص فـي ترتيبه
والله إن يشوش راسي بـواجب البدراني
ودي انــه ما يجي واجـــب ولا ندري به
ودام جتني دعوة من ربعـي ألشجعانــي
والله أني لا أحْضْــر ما ني براعـي غيبـه
ومرحبا باللي حضر من جملة ألعرباني
باسم منـــور مرحبــا واكـــرر ألترحيـــبه
جيت أهني جيت ابارك وابدع الالحانـي
خالد الله يسعــــــده ويــوفقــــه بنسيــــبه
عاش ابوك وخالك اللي للوفاء عنوانـي
مـــن زحـول رجال تنقضها يــالو صعيبه
وخالك ابن مثيب مرشد شامخ كحيلاني
يـــده تنـــدى ماحسب للـــي يضمه جيبـه
وربعنا اللي فعلهم وقت اللوازم بانـــــي
مــن عصور جدودنا أهل الكرم والطيبــه
وبالشجاعة يرهبون الخصم في الميداني
قـــوم فريّس لهــم بيـــن القبائـــل هيبــه
يشهد التاريخ قلنا قولـــــنا ببـــــرهانـــي
من نصــــاهم طامعٍ فيهم وقع بمصيبـــه
بن رشيد الضيغمي بمشاورة غضبانــي
بعد جـــاهـــم بالهميليــــه مني بالخيبـــه
ابن راجح قادهـــا والله عليــــم الشانــي
راحت جيوش الرشيد أشتات من تعذيبــه
البدا رين صمدوا مع ربعنا العــــوفاني
في نهــار بالهميليــــه شبــــع بــه ذيبـــه
ساسنا في حرب حرب اللي تشيل العاني
من نصاهم ماخســر ومن ضدهم واشيبه
الثلاث البيض أهلها وتنطح العدوانـــي
ابــن ناشـــي و البـــلالي فعـــلهم ياطيبــه
والقبايـــل والنعم اقصينهـــم والدانــــي
النعم لأهل النعم من دون شــك وريبـــــه
ونشكر الله ربنا ذا الطول والاحـــــساني
عاضنـافي من خـــدم مكه وخــادم طيبــه
يا الله ان تحفظ لنا مليكنــــا سلمانــــــي
دون داره والــوطـن والجـار نار لهيبــه
وابن نائف وان كفخ يكفخ كما الشيهاني
مــن يخــــل بـامننــــا متكفــــل تأديبــــه
وابن سلان اشهد انه فارس الفرساني
الدفـــاع احسن بتنضيمه وفــي تدريبـــه
والختم صلوا على المبعوث خير انساني
مـن على محمـــد يصلي ربنـــا بيثيبــــه

الشاعر / عبد المطلوب مبارك البدراني








التوقيع

يـا عــيــن حـــــذرا لايــجـــي خـــــدي الـــذرف
عــلـى االـمـقـفــي مـا لـحـقـنــي حـسوفــــــــات
ومــن لا حـسـب لــي بانفـلـه نـفـلـة الــــزرف
لا صــــار فــاضــي مــــا يــخــوض الـمـهـمـات

عبدالمطلوب مبارك البدراني غير متواجد حالياً   رد مع اقتباس