قصه قديمه جرت على بنت من الباديه عندما جاء أخوها في نصف الليل قصده يسرق إبل زوج أخته وعندما قرب من منزلهم قلد صوت الذيب وقام يعوي , سمعته أخته لكن ماتقدر تطلع عليه خايفه من إخت زوجها فقالت هذه الأبيات
ياذيـب ياللـي جـر صـوت عـوى بـه=مدري طرب وإلا من الجوع ياذيب
يـاذيـب لاتـقـهـرك عـنـهـا المـهـابـه=يامجفـل الغـزلان حـنـا المعـازيـب
الـبـوش كـلـه يـــم خـشــم اللهابـــه=في فيضة السرداح والبل عوازيب
سمعتها إخت زوجها فظنت أنها تناجي عشيقا لها وأنشدت
يابنت ليا الذيـب ينهشـك نابـه=يقذلك من بد البني الرعابيب
تراك مثل اللي جلب له جلابـه=لادارها السّوام يلقى عذاريب
فردت البنت بهذه القصيدة موضحة الأمر ...
وحيـاة جـلاب المـطـر مــن سحـابـه=إني عذيّـه مادخـل عرضـي العيـب
أنــــا كــمــا عــــدٍ قـلـيــل شــرابــه=مادوّجـت عليـه حـرش العراقـيـب
الذيـب أخـوي اللـي يشيـل الكسـابـه=يوم ان نجوم الليل مثل المشاهيب
واللـي ظلمنـي جعلـهـا فــي شبـابـه=وتـحـدّره مــن عـايـات المراقـيـب
وتقبلو كل ود واحترام