خلــوووووووووووووووووووووووووهـــــاا
يا ناصر الحربي ياكثر العالم المتكلمه=من كثر هرج الناس ما اعرف الكذوب من الصدوق
ناصر عوض ليه ثلاث سنين وانا اعلمه=واقول ياناصر تنصح من حقوق اهل الحقوق
خلــوووووووووووووووووووووووووهـــــاا
ان كان تسمع كل هرجه والعرب متولمه=تصير مثل الطرقي الي غير ينظر للبروق
لو للعرب عندي حقوقاً من زمان مسلمه=انا احمد الله واشكره ماني كذوب ولا سروق
خلــوووووووووووووووووووووووووهـــــاا
اسمع مدير البنك نبغا منه توقيع قلمه=الناس ماهي راجيه في خير من يم الشروق
ابن عوض متى درى اني له قريب ولحمه=قبل امس يوم السوق عجز ودك ان العجز سوق
خلــوووووووووووووووووووووووووهـــــاا
مافيه حل الا على قد العقود المبرمه=ان كان ماترجي من العالم صبوح ولا غبوق
شايب تحت حكم الولي يعطيه والا يحرمه=وان جيت ادقق بالعرب شفت المواري والفروق
خلــوووووووووووووووووووووووووهـــــاا
يابن عوض لاترقد الا معك مشعاب سلمه=واعرف متى ترقد بمان وعافيه متى تفوق
اليا تساوى عند خلق الله وجوده وعدمه=اهوه كذلك يابن عمي لايشم ولا يذوق
خلــوووووووووووووووووووووووووهـــــاا
ابن عوض ياصاحبي بالأفق خفاق علمه=واللي تعديته زمان العام لا يدور لحوق
مالك يا غير تناطحه يلزمك والا تلزمه=حتى لو انه فارساً خيال وحصانه سبوق
خلــوووووووووووووووووووووووووهـــــاا
من راس حول الراس يجيك خير ومكرمه=والمكرمه غتره ماتضفي من على راس محلوق
الراعي المصلاح يتبين صلاحه بغنمه=يصير مافيها ردا متقع ولا فيها نفوق
خلــوووووووووووووووووووووووووهـــــاا
ياوسع حلم الله يا اصحابي وجوده وكرمه=والمكرمه ماهي صريه دون لزماً بالحلوق
الراعي المصلاح من حل الحروف المبهمه=تروق والا يالعك من بعدها ما تروق
خلــوووووووووووووووووووووووووهـــــاا
انا ادري انك منت متعاطف ولا فيك ارحمه=والا العقوق بعيد عنك ولا تجي حد العقوق
وين العقول الواعيه وين العقول الملهمه=والا الليال اللي مضت ماعاد لك فيها لحوق
خلــوووووووووووووووووووووووووهـــــاا
اذا تغاضينا تبا تشوف المصايب مركمه=وانته عن الشكه بعيد ولا خبرنا بك طقوق
دور وتلقى يا حكيماً كل رمزن تفهمه=تدري عن المضمون ماتحتاج شرحاً بالطروق