مساكم الله بالخير
,,,,
هواجيس الليالي تلعب بقلبي لها مده=ولااقفا الهاجس الاول نصاني هاجسن ثاني
هواجيسن نصتني بالردا بالحيل منهده=وصار الهم في وسط الليالي العوج يحداني
واجيب القاف من راسي على الهاجوس ويرده= ويلعب طول ليله معي يالاحي وليحاني
ويرحل من بعد يلعب واقول الله لايرده = وانام وكل حلمي فيه ياربي لا تبلاني
واسافر في بحر واسير من حده الى حده = على موجن من الاشواق وانصى شط الاحزاني
واراقب كل نور يلوح من عالي السما مده = واقول انه امل بس الامل للحين ماجاني
وانادي ليه يادنيا حظوظي فيك محتده = ويرجع لي صدى صوتي يقول ان الامل فاني
غريب الكون ودي في الحياه وهو ماوده= اخاف اني ادور شخـصـي بلحظه ولا القاني
ولكن القصيد يرجح الميزان ويسده = يردد هاجسي واقـوله صح الله لساني
اجيب القاف بعد القاف ماوقف ولا اعده = الين الراس يصفي ثم اردد زين الالحاني
وقلبي لو كبر همه مابيح للملا سده = واذا قالوا علومك قلت انا مبسوط يافلاني
اجامل وابخص الانسان من مزحه ومن جده= واعامل كل شخص بنيته لامنه اغواني
ولامنه جفاني شخص واعلن حضرته صده = ماني من طقة اللي ينتظر من شخصه احساني
انا من نسل قوم مارجعت من قوم مرتده = فعايلها تنموسها فخر من ماضي الازماني
ورفيق الطيب راعي الطيبه قدي وانا قده= واذا ماجاني الطيب ماني بالخلق بلشاني
ماخاوي واحد مرخي رياله تحته يعده = من عفوج الرجال ولا عليه القلب شفقاني
انا اخاوي رجال افعالها بالطيب ممتده = وياصل طيبها كل الخلايق قاصي وداني
واذا جانا الخوي من نجد ولا من طرف جده = مانشقا غير في طيبه وهذي كلها اوطاني
ابن شنوت
هذه القصيده من اخر ماكتبت حبيت اقدمها لكم
وانشالله ترضي القصيده ذائقتكم الشعريه
واعذرونا على القصور
وتقبلوا تحيااااتي,,,