اقتباس:
المشاركة الأصلية كتبت بواسطة فواز غريب ابن عبدان
ابيات حصلت عليهاوهي للاخ /علي ناصرالبدراني ارجوا ان تكون بالمستوى المطلوب
ماهو هدف شاعر المليون وأمثاله
حتى أني ألد عيني وألتفت يمه
لو أكثر الناس رجليه وخياله
كل يبي بيرق المليون ويزمه
ولا هو مجرد شعر يوم اني أعناله
وإلا معانيه وإلا كيفه وكمه
واللي يرشح يزود شحن جواله
ويرشح النصف من شأنه ولد عمه
على حساب القصيد ونادر إجزاله
واللي قصيده قصيد يقول ما همه
والشعر في حاله قشرى ويرثاله
واظن صابه ما صاب السوق بمطمه
جت له من الشرق هو والغرب منهاله
بلوى عسى الله يفرج همه وغمه
واللي يغني على يالال يالاله
قوله من الشعر ما تبري به الذمه
إلا النوادر من أهل العرف ورجاله
اللي رقوبه عن الإسفاف للقمه
واللي وصل للقب والشعر في ماله
لا يحط باقي العرب يا ناس في كمه
ويضفي على الكسر صوت بجر مواله
بليد الاحساس ما يخجل على دمه
لو كان ما هو بشاعر لو يورى له
لو شاف نفسه سوات طويق والحمه
وعلى القنوات كل(ن)مطلق أحباله
ويجامله بعض ناس كلها خمه
هذا وانا دايم التعميم ما ألجى له
من شان ما أظلم كثير الناس وأخمه
ولا هو هدف شاعر المليون وأشكاله
ولا هو بحلمي ولاني ملتفت يمه
|
الاخ الغالي فواز غريب
صح لسانك ولسان الشاعر علي ناصر البدراني
قصيدة جزله ورائعة روعة حضورك
لك فائق التحية والتقدير