أسعد الله أوقاتكم بالخير والمسرات وهذه تكمله للبيتين وشكرا لك يابو خالد :-
ماهو ضروري ماسمعته تقوله=لكن ضروري تعرف اللي تبا تقول
الا كلام الله وسنة رسوله=صلى الله وسلم على خير مرسول
ولو مابخلق الله عقول (ن) جهوله=لاشفت لاعله ولا شفت معلول
واضفا العدل فوق البسيطه سدوله=ونضفت مناكبها من العرض للطول
والهرجه اللي ماتجيك معقوله=مصدارها من ناس ماعندها عقول
واللي مع اهل الهرج يشعب ذلوله=يطيح له في مشكله مالها حلول
الشاعر / علي زيد البدراني