عرض مشاركة واحدة
قديم 27-03-2008, 01:06 AM   #1
افتراضي (ابن قضعان ) يسرق ابو عبدالعزيز!!

انا ماجذبني بالشعر مثل ابن قضعان=اضيع طواريقي اليا جت طواريقه
ابا قول كلمة حق والحق له برهان=ماصاغ القوافي مثله ومثل تنميقه
وانا اقول عندي والخلايق لها ميزان=تضيق النفوس اللي مداهيلها الضيقه
مقاطع درر يلقى بها لولو ومرجان=يعيش الارايك عمد ويصب اباريقه
اله في هواجس خاطري منزل وسلطان=زرابيه مبثوثه وتوضي نماريقه
اليا امعنت فيها تندهش كلها ديوان=علي الملازيم الدواوين تصديقه
وانا ساكت خمسة عشر عام دون اذعان=ادور زلال النقع والملح ما طيقه
اعن القوافي بالمسافات والازمان=ولابه صباح غير اطالع تشاريقه
اليا ارتجت اطراف المحيط ازهم الربان=اناديه واحط الذهب في صناديقه
ولا شفت داب عمى يلدغ الديبان=اخليه بشجرته وتلهيه اشاديقه
خيار الدلايل للورى جرة الفرسان=سوى الشعر وابداعه وهمسة تخافيقه
وانا اللي تناسيت الزمن لين فيه خان=وجتني معاوين الزمن في زواريقه
اخذت الشعر مبدأ وتعجبني القيفان=واحب القصيد اللي تشجع تراميقه
وكنت غافل لين روح بي الطوفان=على مركب عاجي تهاوى معاليقه
ابا اكشف عن المستور مايفتح البيبان=وينصى الفواد اللي قويه مغاليقه
سرق فكرتي وافكاري السابقه ضيدان!!=علي الملام وكل طير بمسابيقه
وماتو شهودي قبل مايصدر الاعلان=اعلم بها القاضي وينفي تصاديقه
ابا اصيح بالدنيا وابا نادي العجمان=سرقني ولد منصور نادو بتحقيقه
يمين الله اني كفو وانا ولد بدران=اجيب الرهان وكل عهد بمواثيقه
فدى ياولد منصور والمسلمين اخوان=على الله على الله كل رجل وتوافيقه


وسلااااامتكم
عبدالله حمد البدراني







التوقيع

سبحان الله وبحمده سبحان الله العظيم

تركي الزايد غير متواجد حالياً   رد مع اقتباس