مساكم الله بالخير
هذي مساجله كتبتها بعد استقبالي الخبر عن مكان التعيين
وتم تثبيتي لسوء الحظ في المنطقه الشرقيه ,,,,
قلت ,,
يالساحل الشرقي سلام وتحيات = ياديرة البترول مابغالك الشوف
ابي ديار اهل الكرم والمروات = ابي ديار حبها داخل الجوف
الساحل الشرقي ,,
حنا ديار الشرق دار المسرات = نروى ظما العطشان لاصار ملهوف
الخير حنا من زمان لنا فات = يوم الجزيره طعن في شلف وسيوف
,,,,
انتم ديار الخير واهل الرفيعات =العز منكم والكرم صار معروف
لكن لنا ديار بعيدة مسافات = اصبح غلاها داخل القلب معسوف
الساحل الشرقي
حنا لنا بالمجد والعز رايات = تسمع بصيت الشرق من قبل ماتشوف
اصبر ولايلحقك بالنفس حسرات= قدام ماتصبح مع الهم مكتوف
,,,,,
البعد يطويني على الهم طيات= وانا ادري ان الهم ماهو بمخلوف
البعد زاد القلب ونه وونات= والعقل صار من الهواجيس محفوف
الساحل الشرقي
اصبر ترا للرجل بالعمر وقفات = لاحدته مشاكل الدهر وظروف
كم واحد جته الامور الصعيبات = وواجه من امور العنا كل صادوف
,,,,,,,
بصبر على فرقا الجبال الطويلات = نوب\ن على مطلاعها ونوب\ن احوف
وفرقا الحناكيه وشوفة منيخات = وشوفة سهول الارض مع مدة الشوف
الساحل الشرقي
قم جر موالك وثم غن الابيات = ولا تلحق ايامك مع الوقت محسوف
وندعي لك التوفيق في كل الاوقات = واردف على زين المواويل مردوف
وسلامتكم ,,,,