بسم الله الرحمن الرحيم
باالله ياخوياي تكفون تكفون
تراي اجاحد علتي باالسكاتي
تراي احس ان كانكم ماتحسون
واكن جور سنيني الجايراتي
صابر على الاحزان وانتم ماتدرون
مايدري اقربكم عن الخافياتي
اضحك واناكني علىالقلب مطعون
والفكر يلعب به مريدالشتاتي
ماقول اجاملكم ولا اقول محزون
ولااقول انااللي يصنع المعجزاتي
شاعر ليا غنيت قمتو تغنون
واهمومي اطول من جبال السراتي
طليق فكروخاطري تقل مسجون
والسروسط سنيني المولماتي
لواشتكي مابيح عن شي مكنون
اجحد وادس جروحي الموجعاتي
تمشي بي الدنيا على السرع والهون
ولدري عن المدسوس باالمقبلاتي
واهنيكم من و قتكم ما تعانون
سالين باالدنيا ولهو الحياتي
كم رجل زانت له وكم رجل مديون
وما يشبع الجايع بقايا الحتاتي
واهل الطمع لاهين في مايلمون
الله يستر ويش بعد المماتي
ياوي دندون يخاويه دندون
لو جاع مايهنف لنص الشباتي
محشوم عن درب الخوامل ومامون
مااحصيت كل اوصافه النادراتي
من ربعي اللي باالمهمات يثنون
من روس بدران اهل الطايلاتي
يرسي مثل مايرسي الحيد ويكون
وعن الردى يرقا على النايفاتي
حكيم راي وللمهمات عربون
طويل باع بحزت الصاملاتي
ماهو حضيبي ن من الضيق مشحون
ضيق صدر يجري ورى الشايعاتي
عليه لو في حزة الين مامون
لاكن ياخوياي ويش السواتي
الله يا خوياي لو تستعدون
على الذي يشره على الطايراتي
جيب تقدر قيمته ربع مليون
يفرق بتصميمه عن الاولاتي
مصفح ن شاصه عن العيب مضمون
مفخم الهيكل جميل الصفاتي
متميزن بالشكل والصنع واللون
برمج على البصمه بكل اللغاتي
عليه حرف الام في شكل غليون
ولام رمز ن من رموز الغناتي
صمم بفن وكل مافيه مازون
جهز وطور بااحدث التقنياتي
تمثاله اصغر من رحا الكف وادون
وسجاده انعم من كفوف البناتي
يميل للهيبه وللطيب والعون
وتجمعت فيه اكثر المغرياتي
في لازمي كنه مصخر ومرهون
اما بدربا ا لموت ولا النجاتي
شروى الذي لاقامو الناس يزرون
يضفي على بعض الرجال العباتي
وليا سرينا كل مايصعب يهون
على السريع نعانق المسرعاتي
عندي يزود الطيب وانتم تزيدون
زايد غلاكم من جميع الجهاتي
هانت ومن بعد السفر تستريحون
ليا وصلنا مفرق العالياتي
الشاعر عبدالله منور البدراني