عرض مشاركة واحدة
قديم 18-04-2010, 07:53 PM   #1
افتراضي مساجلة شعرية بيني وبين الشاعر علي هليل الحربي

هذه القصيدة وردتني من الشاعر العذب علي بن هليل الحربي
وهي قصيدة راقية رقي شاعرها أمل ان تحوز على رضاكم واستحسانكم


سلامن احلى من حليب المصاغير = اللي على مقهورها ما تعدت
ما تاكل الا شابكات النواوير = في خايعن يمّه لها أيام شدت
قدامها ماطب قاعه سوى الطيّر = تشبع ضحى ما عينها فيه لدت
ينصى مداغيش الرجال المشاهير = اللي حبال عزومهم ماتردت
نوادرن مثل السيوف البواتير = والاالطيور اللي على الصيد هدت
مرور ذكراهم على خاطري غير = لولا الظروف لشوفهم لي تحدت
ما اقول غير الا اجتمعنا على خير = عسى رياحن جابت العطر ودت
ازكى سلامن صغت فيه التعابير= من كف يمن لازرق العود مدت


وهذا ردي عليها /


يامرحبا مثل العسل ذوقته غير = صافي وعمر النفس ما عنه صدت
مقطوف وقت العشب جاله زواهير = وتو الخلية بالربيع استجدت
اقدمه لاهل الوجيه المسافير = الي اليا جات المواقيف عدّت
مدلهين ضيوفهم والمسايير = ويدينهم على الردى ما تمدت
ربع الشجاهه والرجال المناعير = وخيولهم ياكم على القوم كدت
وختامها مني تحية وتقدير = والمعذرة عجزت حروفي ماسدت








التوقيع

يـا عــيــن حـــــذرا لايــجـــي خـــــدي الـــذرف
عــلـى االـمـقـفــي مـا لـحـقـنــي حـسوفــــــــات
ومــن لا حـسـب لــي بانفـلـه نـفـلـة الــــزرف
لا صــــار فــاضــي مــــا يــخــوض الـمـهـمـات

عبدالمطلوب مبارك البدراني غير متواجد حالياً   رد مع اقتباس