لجل الخوه
عيني اللي كل ماسلهمت تبا المنام
فزقلبي ياعبدالهادي وطير نومها
قلبي اللي من غلا البيض طاويه الهيام
منه عيني عافت النوم كيف الاومها
يابن عايض وش دوا القلب ملعون الرسام
ليه روحي كل ما صمت يجرح صومها
عذبنه لا بسات الجواهر و اللثام
واخلفنه عن دروب العرب وسلومها
حب له بنت بدويه وعناه الغرام
شم جرحه بعد ماشم من يشمومها
تلته واقفت ومن دونها دك الظلام
ابعدت بعد نفذته احراب اسهومها
حالو العدوان من دونها وحال الزحام
بعد مادارت سنه من يجيب اعلومها
يابن عايض كان ما جات علي السلام
مير لجل الخوه افزع وراك وسومها
الشاعر عبدالله منور البدراني