هذي قصيده ولها قصه قصتها اني اشتريت لي سياره وجيت ماشي عليها وقبل مااصل البيت تعطلت علي ( ادور المكاسب)
ورحت عند ذيك البقاله انتضر واحد من العيال يوم جيت البقاله لقيت لى شايب كان جارن لنا قديم جالس على كرسي قدام البقاله استغربت جلسته قمت اسولف معه
وعلمني بعلومه ( الي تجيكم بالقصيده) قال والله اني ودي اعزمك بس ماعندي احد بالبيت العرب رايحين السوق يقولها وهو مستحي وانا خابره راعي كرم وشبت نار
قلت الله يسلمك والله اني مستعجل
ويوم رجعت البيت وقول القصيده
موتر ماتخذه يمناك من بطن الوكاله = اشهد ان مشراه يالشجعان هو راس الخساره
صرت مثل الي شرى له علتن من راس ماله = هج من طعم الحموضه طاح في طعم المراره
واوجودي وجد عود جاه شره من عياله = عاشق طبع البداوه وجبروه اعلى الحضاره
سكنوه بيت اجار بعد مابعو حلاله = كل راس من الشهر ملزوم يدفع له اجاره
بعد ماهو كل يوم يكيل هيله في دلاله = مالقى له مجلس يشب وصطه ضو ناره
الجماعه عنه قفو وصبح بداره لحاله = يتقهوى دلته ولي معه حصه وساره
ضاعت علوم المراجل ضاعت علوم الشكاله = ضاق جوله وان تجول مايدل بكل حاره
حط له كرسي لحاله عند هندي البقاله = وده يقضي فراغه وده يقضي نهاره
كل هذا وجد قلبن راح يرسم له خياله = عايش عيشة فقارى ويتحلم بالتجاره
ماوصل للي يبيه ولهو مرتاح باله = قال ابكوي علتي ويضيع همي ( )