هاذي المحاوره بيني وبين شاعر حرب الشاعر الكبير
راشد السحيمي وانا البادي اقول
سلام وكتب ياقلم سلام وحفظ ياكتاب=ويثبت التاريخ لاتاريخ ملك لمن ملك
ياصاحبي راشد باب الرحمه ورا باب العذاب=انا محاسب بعملي والنته محاسب بعمك
قال راشد
يامرحبابك والسوال الزين يلقاله جواب=ماهي غربيه يوم تسلني وانا يوم اسلك
اخذ حسابك يابدر والي بقي يوم الحساب=ابغالستعيد الذاكره وش قلتلي وش قلتلك
قلت
انظر الى شعار حرب اعيونهم مثل الحراب=انا على متني ملك والنته على متنك ملك
احسن غياب ابلا حظور ولاحظور ابلا غياب=والا انت مالك يالسحيمي غير ديرتك وهلك
قال راشد
دعواك هاذي يابدر مدري خطا والا صواب=عز الله ان الي طلبك اترافقه يستاهلك
من لاوقف في ماقفه ياصاحبي وهوه شباب=لياشاب بين الحالتين اما نشب والا سلاك
قلت
ياراشد انت اعقاب مابه شك وانا ابوعقاب=اجملك لارحت اناوياك درب اجملك
ياخير من يقطربه المسيوق ياحظرت جناب=اما تعشيت اجملك والا تعشاك اجملك
قال راشد
يمكن تصير عقاب لايامنك تعديت السحاب = ونكان مالك عم يامجنون خذني عم لك
اخرج زكاتك يابدر لاكن ماتكمل نصاب = لابارك الله فيك مايمديك وعلوم كلك
قلت
لابارك الله بالجمال الزرق عوجان الرقاب=الي ليا جاها الولك عجزت تحمل للولاك
رح لاتنشد يالسحيمي ويش ودا ويش جاب=انا كفيلك كان ماحصلت واحد يكفلك
قال راشد
لابارك الله بالجمال الزرق يامال الذهاب=انت نحله تقرص لاكن اتموت في و سط عسلك
ماتدري انك من عيال ادم وادم لاتراب= يابدر يرضيك الكلام الزين والا يزعلك
قلت
اسمع ياشاعر حرب والله لويصير الانتخاب= لانزلك من منصبك غصبن عليك انزلك
والتصير مثل الملح لاذوب بوسط الما وذاب= حتى خسوفك ياقمر والنته قمردورت فلك
قال راشد
اسمع يابدر انت انتحاري لاتذل ولاتهاب =لاكن وشرايك نوديك البحر ونغسلك
تعيش تطردلك سراب اتموت تطردلك سراب=والله يابدر انك متاخذ حاجتن ماهي بلك
وسلامة الجميع
الشاعربدرالبدراني