اقتباس:
المشاركة الأصلية كتبت بواسطة جمال البدراني
بسم الله الرحمن الرحيم
إخواني وأخواتي -أعضاء وزوار هذا المنتدى الشامخ- (منتديات البدارين) .
أضع بين أيديكم هذا القصيدة المتواضعه ، والتي كتبتها مادحاً "ربعي" البدارين من حرب ، كتبتها وأنا أدرك تماماً أنني مهما كتبت وكتبت من القصائد فلن افي (البدارين) حقهم .. ولن أحصي مناقبهم ومفاخرهم .. وما هذه الأبيات إلا أقل مااقدمه لربعي .. أتمنى أن اكون قد وفقت ولو في ذكر النزر اليسير من منجزاتهم ..
7
البارحه يوم أكثر الناس غافين=فر المنام من العيون وجفاها
وجبت القلم عقب الكرى حارب العين=وثارت هواجيسي ودارت رحاها
وقمت اتغنى وارفع الصوت تلحين=واقطف مالاق من الزهور وشذاها
مدحٍ بربعي ملحقين المخلين=كسابة النوماس سقم اخصماها
وعجز القلم يحصي فعول البدارين=اللابه اللي زيّن الله نباها
اللابه اللي ماجهلوها الثقالين=وصلت مفاخرها النجوم وسماها
مجرعة جيش العدو الأمرين=ومدلهة ضيفانها وقصراها
ياما احتموا ذيدانهم بالنياشين=وتغنموا خيل الغزاه وقناها
ياما ابطشوا بسيوفهم بالميادين=وياما اسفكوا من دم شيخ بثراها
وياما وياما غببوا بالمعادين=تغبيب سرحان الخلا بالشياها
تشهد لهم عدوانهم والموالين=وتشهد لهم حدب السيوف وشباها
ويشهد لها التاريخ مبطي وهالحين=وعد الهميليه ودلوه وماها
اللي عليها دار بين الفريقين=حربٍ ضروس كل راوي رواها
فيها تصدوا للغزاه المغيرين=لابن رشيد ودولته وعقداها
بقيادة اللي يضرب الضد ويلين=الشيخ ابن راجح زعيم ازعماها
وخلوا جموع الغزو تنكف معيفين=تسحب أذيال الهزيمه وراها
قومٍ تعلوا فوق رؤوس الضلاعين=وأمجادهم ماأحدٍ لحق مستواها
الطيبين الغانمين الشجيعين=أفخر فخر باأمجادهم واتباهى
من دون قاصر بالرجال الوفيين=أهل البيوت اللي يذري ذراها
وكل القبايل والنعم بالملايين=الله عطانا من عطاه وعطاها
وسلاااامتكم
|
شاعرنا الغالي جمال البدراني
انشهد قصيدة مكتملة في معناها ومبناها و جزلة ورائعة ووافية من رأس وافي
وملئية بالشعر الذي يثلج الصدر
صح لسانك مليون ولا يكفون يا ابن العم كفيت ووفيت وبيض الله وجهك
ويحق لقبيلة البدارين ان تفخر بك وتفخر بها
بارك الله فيك ووفقك
لك فائق التحية والتقدير والاحترام