يدوم المُلك ويدوم الملِك والبيرق المنشور=على هام السحاب يقول عيشي يالسعودية
سلام الله سلامٍ يوم يبدأ مثل مبدا النور=سلامٍ يسبقة ريح العبير وصادق النية
على راس الزعيم إبن الزعيم القايد المنصور=ولد عبدالعزيز اللي فرق عن كل شخصية
ملكنا اللي ملك كل القلوب وسيفنا المشهور=عليه البيض تلو البيض مربوعه ومثنية
أبو متعب إليا مني ذكرت اسمه تفيض بحور=له الأمجاد بالأمجاد مسموعه ومرئية
مسح دمع اليتيم وبدل الدمعه فرح وسرور=ورفع راية رجال العلم والدعوة إلاهية
وعطانا في يمين (ن) ما تكاثر مدة الميسور= وعطاه الله محبتنا وعشنا في رفاهية
وتصدى للفسادوحاسب اللي شاف منه قصور=وخطب له خطبة(ن)منها يموتون الحرامية
وعن الإرهاب وأهله قال حكمه بالغة بسطور=على الدين ووطنا ما نساوم في شفافية
على نور من القرآن بدد ظلمة الديجور=وعلى هدي الشريعة يقتدي في كل جزئية
رقينا للعُلا في عهده الزاهر بلا محظور=وصافحنا منارات العُلا في كل جدية
ملك مصلح ملك عادل ملك له بالمواقف دور= ملك قاد التسامح بين الأديان السماوية
يعجز الشعر لا يحصي صفاته والقلم والدور=ويحير الفكر مابين المكارم والبطولية
كفاه الله ما تخف الليال ونظرة المقهور=وعسى عمره طويل ويحفظه رب البشرية
بجاه اللي حمى الكعبةمن أهل الظلم وأهل الجور=وتبقى رايةالتوحيد مرفوعه ومبنيه
بدارين (ن) ولانا مادخل به نفاق وزور= وعلى هام السحاب نقول عيشي يالسعوديــة
جهز بن عوض ابن غليفيص البدراني الحربي