قصيدة من بداياتي الشعريه
البارحة بالليل ..........
البارحة بالليل سهران ما نمت = عن المنام أشياء كثير تحداني
إن غمضت عيني طرا هاجس وقمت = أقوم جالس وارتكي في مكاني
اعد بنجوم السماء ثم قسمت = اعد يا لين الحساب يعضاني
الفم باصم ساكت ما تكلمت = غير القلب شغال به مهرجاني
كثرة هموم القلب ما تحتمل صمت = غير أتفكر باختلاف ألزماني
لا مجلس صافي ولا احد تعلمت = وأكثر علوم الناس ماهي سماني
شعر : عبدالمطلوب البدراني