هاذي القصيده من الشاعر عمر السبيعي مسندها لشاعر سليمان خالد البدراني.
انا فالعشى عديت في عالي البيان=ونفسي علي مبدي المراقيب توااقه.
مابين اللهيب وليم في عالي الشقران=شمالي مسكه واقف الرجم من واقه
تهيضت بالمرقاب من شوفت الاضعان=بعد شفت شي صايرن شوفه اشفاقه
وحت قلبي حتت العشب ياسليمان=بعيد ثراه وحتت المرزم اوراقه
على واحدً شفته ونا رايحً عجلان=غريب الديار ولالنا عنده اعلاقه
بديت السلام ورد رده وهو خجلان=ويغضي بعينن للمحبين سرااااقه
مغير ايتهزع كنه الموج فالفستان=عليه السواقي بازرق الجم دفاقه
ياليته سقاني يوم جيته ونا ضميان=من المشرب الي ماخبر واحد ذاقه
كواني علي لانجاف مايرحم الولهان=ولاني بعشاق من الباب لاطااااقه
يابوخالد افزعلي ترا خاطري عمسان=من الي خذ قلبي ولا استحمل افراقه
ونا مدري من أيات الاوادم هاذا لانسان=لكن اوصوفه بينات وفراقه
عيونه عيون موحش النادر الشيهان=وعنقه مثل عنق المها قايد ارفاقه
عليه اشقر متعثكل مشكله بالالوان=كما ذيل صفر فكت القفل وحلااقه
شعاها الصياح وسمعت منادب الضفران=وراء البوش يوم الرمك جاه وستاقه
هاذي وصوفه وانت بالمعرفه سلطان=تعرف الوصوف ونظرتك دايم دقاقه
ًًًابي دورتك من حرب لمطير للعتبان= بدار الرجال الي علي الطيب سباقه
وعلم فلاح الي يعرف الديار ان كان=بيفزع لدمع قام يكثر تسيباقه
يازينها لونها ادرج صغير الحيران=مع درب نو سامر فيه براقه
مع درب بدو ربعو من ورا الصمان=معاشيهم في ضفة العرق وطراقه
هاذا العرق عرق اسبيع نزالة الوديان=ديار يستانس بها مرتع الناقه
ًًًديار يستانس بها الخايف الوجلان=اليا جاء نهار فيه لارماح زراقه
هاذي اعلومي وبغي إن العلوم اسمان=وذكرً لبعضهم بعض لجات منساقه
ألا ياهل الطولات يانسل ابن بدران=رجال لكم تاريخ مكتوووب بوراقه
وصلاتي علي سيد البشر نسل ابن عدنان=نبي الرساله صان عهده وميثاقه
رد الشاعر سليمان بن خالد البدراني
اهلا بالسبيعي عد ما غاب نجم وبان=وعدد ما يهل المزن للاح براقه
نعينه علي للي حطله بالحشا مسكان=هنوفٍ على شوف المحبين عشاقه
تفنن علينا ياعمر ياشاعر السبعان =ترى بيتٍ مايذري نشلع إرواقه
ترى وقت السعه ياعمر واجد الخلان=وترى بالشدايد بعض الاصحاب منعاقه
ترى أقوالن بلا فعل مالها برهان =ولا ينفع الواجب ليا فات مزراقه
نبي نمشي توال الليل على هجعت العربان=قبل عمود الفجر يبين بإشراقه
نبي ندور من الطائف ليا حومة النقيان=يجيبه الله على ما ذكر يدفع إنياقه
نبي نسوق الجاه والمال مع حضرة الشيبان=لعل الله يجيبه عقب ماشوفه إشفاقه
نبي نسوق المال وترى الكريم معان=يعينه الله ليتجمل اما ساقه
وان كان عيوبه نبي ننهم الشجعان=بسلاح ٍ ابيض والصورايخ فتاقه
نبي عليهم يابوحسن نشعل النيران=وعيبٍ على اللي ياعمر يقطع الساقه
أنا بعتزي في حرب وبنهم العتبان=نبي نفزع للي غدا اليوم حراقه
نجيب الهنوف اللي مثل قايد الغزلان=مثل غزال الريم ليا شاف دراقه
ألا ياشبه وضحاً ربعت في قرى فيحان=عليها الجنايب والدباديب وخناقه
على ذود مصلاحٍ ليا روحت تشلع القطعان=على قفر المراعي دايم الدوم سباقه
وأبيك تسامحني على الزود والنقصان=ترى الكامل الله وأكثر الخلق بواقه