السلام عليكم
لقد اوردت الشاعره بساتين قصيدتها التاليه وطلعت عليها
وقد اعجبت بهذا النص تقول فيه .
حنا سعوديات حلوات واقمار=اجمل بنات الكون من غير تجميل
نجوم نسطع في سمانا بالانوار=على القمر نحجر ولا يطلع الليل
روح الحيا فينا ومنا الادب صار=طبع السعوديات ما فيه تبديل
احساسنايكتب في اخلاقنا اشعار=طيب نسبنا وصلنا زين بالحيل
دمنا عسل فينا من الذوق مقدار=طيب اللطافه يروي اكبادنا هيل
فينا الشموخ جبال وقلوبنا احرار=حرات ما العين فينا مداخيل
حنا ورود الارض وعبير الازهار=حذنا من الوان الطبيعه اكاحيل
خذنا من الحشمه لباس استار=ومن ديننا خذنا صلاة وتهليل
فينا تذوب قلوب وقلوب تحتار=وليا ابتلتنا جاتها لعنة الويل
نغدي عليها سحب ورعود ومطار=وبروق صيفٍ يقتفيها غضب سيل
وقد جاريتها بهذا النص المتواضع
بديت باسم الواحـد الخالـق البـار=الكون سبـح لـه وبـرق المخاييـل
اهلاً عدد ما تجري امـواج وانهـار=واعداد من نادى الولي تالـي الليـل
قريت شعرك ماعلى قولـك انكـار=بنت السعوديـه برفعـه وتفضيـل
عن السعوديـات يابنـت الاحـرار=كتبتي اجمل نص واحلى التفاصيـل
لا يابساتين تنعمي عيـن الاشـرار=مثل السعوديات مـا ينوجـد حيـل
هم زهرة الدنيا وعطارد والانـوار=هم بدر في وسط السماء ونجمة سهيل
هم وردة الدنيـا يشوقـن الانظـار=هم رمـز للشيمـه وشعلـة قناديـل
هم مكرمين الضيف والخال والجـار=من جودهم نلقى الكباشـه معاضيـل
عدوهم ياما سقـوه كـاس الامـرار=عدوهـم خلـوا كبـوده مداهـيـل
هذا السعوديـه كمـا شعلـة النـار=تاج الفخر من دون خدعـه وتمثيـل
في فكرها في رايها الكـل محتـار=عـزالله ان اللـي شتمهـم مهابيـل
وختامهـا يامـن قريتـم فالاشعـار=صلوا على الهادي صدوق الاقاويـل