عرض مشاركة واحدة
قديم 10-04-2017, 07:36 PM   #1
معلومات العضو
عيد البدراني
بدراني
إحصائية العضو







آخر مواضيعي
افتراضي اهداء الى احفاد سواد بن شبيب البدراني

تفاخرو بالمجد ياحفاد سواد
انتم هل الوقفات وأهل الزعامة
افعالكم دايم على روس الإشهاد
وعدوكم ما يهتني في منامه
يشهد لنا بالطيب تاريخ الأجداد
الطيب بين الناس نالو وسامه
على ضهور الخيل في حرب وجهاد
قدم المعادي محتمين الجهامه
سواد راع العافصيات سواد
اللي عدوه ماتشيله عضامه
خيال شقرا فوقها ضد الأضداد
لآثار خلف المسرجات العسامه
ينطح عقيد القوم في حزم وعناد
شيخٍ عزيزٍ في المعارك مقامه
يوم العدا جيش وسلاطين وأفراد
والكل منهم محتزم في حزامه
مجهزين سيوف وسلاح واعتاد
ولاحصلو غير الشقاء والندامه
عيد بهم سواد بايام الاعياد
واقفا عليهم مع بطين العدامه
وصوت البنادق كنها صوت رعاد
من الفجر لين الليل حل بضلامه
وصامل عضيداً له على الموت وراد
فوق العبية بكل حزم وصرامة
منه الجنايز مالها حساب واعداد
يفعل لياجار الزمن واحتدامه
وعواض بن سواد له درع وإسناد
الرمي حامي والفشق في حزامه
ضاري على خوض المعارك ومعتاد
و لا للعدو منه مفر وسلامه
ونشا ثنا للقوم في كل مرصاد
وعوض وريث المرجله والشهامة
ومحمد وحمدان والموت جلاد
دخيلهم ماحدن من اعداه ضامه
واخوانهم غزاي والشيخ حماد
أهل الشيم والطيب وأهل الكرامة
اجدادنا الي ذكرهم دوم ينعاد
مكانهم بالمجد قمة سنامه
حربن على الاعداء وللمجد رواد
افعالهم ترفع بها كل هامه
وربعي بدارين السطر سم الأكباد
حطو على كبد المعادي علامة
اللابة اللي فعلهم بالملا ساد
تاريخهم يبقا ليوم القيامه.
وصيت الحرار الغانمين أهل الأمجاد
من الشماليه ليا اقصا تهامه


الشاعر/ عيد محمد البدراني








عيد البدراني غير متواجد حالياً   رد مع اقتباس