يعطيك العافيه يابو عبدالله على القصه
ولي تعقيب على السالفه
السالفه هذي صارت لساره بنت ابن رشيد حاكم حايل
وتمكن الغزاه من اخذ حايل واسر اخوانها وتم تشريد من في حايل
من ربعها واهلها وهربت الفتاه مع العبد وكان عبد مطيع جدااا لها
وكان يسهر على حمايتها وتنفيذ طلباتها
والقصيده الصحيحه اللي يروونها شمر مع عدم رواية احداث الغزو ووقته
اي شمري تساله عن القصيده يعلمك فيها والشيبان ماتخفاهم السالفه
والقصيده تقووول
هنيكم ياهل القلوب المريحه ,, ولا الوم عيني لو بكت دمعها دم
ابكي هلي اهل العلوم المليحه ..اخواني اللي لابغو لازم تم
ساره انا بنت الشيوخ الفليحه ,, ابوي حاكم واخوتي صفوة الجم
ياما انتخوا باسمي ليا حل صيحه ,, واليا انتخوبي كافر الجن يسلم
اسمي كما نجم ضرب قاع بيحه ,, ولا الصواعق يوم للضلع ترجم
ياحيف حايل فارقت ريح شيحة ,,بذيك الشفايا تقل ما قيلي سم
خانو بحايل كاسبين الفضيحه ,, اهل العمايم جعلهم في جهنم
اهل العمايم مدعين النصيحه ,, جهال بدو ماتعرف التيمم
يالعبد عقب العز كبدي جريحة ,,حب الوطن يالعبد من عصر ادم
يالعبد هذي من حكايا الفضيحه ,, خل السهر لي وانت يالعبد قم نم
من اول نامر تجيب الذبيحه ,,, واليوم ياعصر الندم صرت لي عم
وهي تقصد بقولها صرت لي عم
انه لم يعد يوجد لديها محرم من اهلها
فاصبح هذا العبد هم عمها وهو محرمها
وتقبل تحياااتي